அறிவிப்பு

முன்னால் ஜனாதிபதி மஹிந்த ராஜபக்ஷவுக்கு ஶ்ரீ லங்கா தவ்ஹீத் ஜமாத் சார்பில் சிங்கள குர்ஆன் அன்பளிப்பு.

முன்னால் ஜனாதிபதியும், ஒருங்கிணைந்த எதிர் கட்சியின் முக்கியஸ்தருமான மஹிந்த ராஜபக்ஷ MP க்கு ஶ்ரீ லங்கா தவ்ஹீத் ஜமாத் சார்பில் அல்குர்ஆன் சிங்கள மொழிபெயர்ப்பு மற்றும் இஸ்லாம் பற்றிய நூல்களும், இஸ்லாம் பற்றிய மாற்றுமத நண்பர்களின் கேள்விகளுக்கான பதில்கள் அடங்கிய வீடியோ தொகுப்பும் வழங்கி வைக்கப்பட்டது.

முன்னால் ஜனாதிபதியின் கொழும்பு இல்லத்தில் நடைபெற்ற இந்த சந்திப்பில் மஹிந்த ராஜபக்ஷ்வின் ஆட்சிக் காலத்தில் முஸ்லிம்களுக்கு எதிராக நடத்தப்பட்ட இனவாத தாக்குதல்களின் போது அரசாங்கமும் அதற்குக் துணையாக இருந்து மவ்னம் காத்தமைதான் இனவாதிகள் அலுத்கமை கலவரத்தை உண்டாக்குவதற்க்கே காரனமாக அமைந்தது என்பது பகிரங்கமாக முன்வைக்கப்பட்டதுடன், புதிய அரசியல் யாப்பு தொடர்பிலும் கலந்துரையாடப்பட்டது.

முஸ்லிம்களுக்கு எதிரான இனவாத செயல்பாடுகளின் போது, முஸ்லிம்களுக்கு உரிய தீர்வுகள் வழங்கப்பட வில்லை என்பதுடன் இது அனைத்து அரசுகளும் முஸ்லிம்களுக்கு செய்யும் மிகப்பெரும் அநீதியாகும் என்பதும் முன்னால் ஜனதிபதியிடம் தெளிவாக தெரிவிக்கப்பட்டதுடன், திருக்குர்ஆன் பற்றியும் முஸ்லிம்கள் பற்றியும் இனவாதிகள் முன்வைக்கும் குற்றச் சாட்டுக்கள் தொடர்பில் தெளிவான விளக்கங்களும் வழங்கப்பட்டது.

-ஊடகப் பிரிவு,
தவ்ஹீத் ஜமாத் – SLTJ

20108337_1396030740444095_2112145685252091090_n

பொது பல சேனாவினால் பதிவு செய்யப்பட்ட மத நிந்தனை வழக்கு – தவ்ஹீத் ஜமாஅத்தின் கோரிக்கையை பரிசீலனைக்கு ஏற்றுக் கொண்டது நீதிமன்றம்.

ஸ்ரீ லங்கா தவ்ஹீத் ஜமாஅத்திற்கு எதிராக பொது பல சேனாவினால் பதிவு செய்யப்பட்ட மத நிந்தனை வழக்கு இன்று (19.07.2017) கொழும்பு, புதுக்கடை நீதி மன்றத்தில் மீண்டும் விசாரனைக்கு எடுத்துக் கொள்ளப்பட்டது.

தவ்ஹீத் ஜமாஅத்தின் முன்னால் செயலாளர் சகோ. அப்துர் ராசிக் அவர்கள் ஆற்றிய ஓர் உரையில், பௌத்த மதத்தை நிந்தனை செய்தார் என்று கூறி பொது பல சேனா சார்பில் வழக்கு பதிவு செய்யப்பட்டிருந்தது.

குறித்த உரையில் புத்தர் தொடர்பில் சகோ. அப்துர் ராசிக் கூறிய கருத்து தவறுதலாக சொல்லப்பட்டது. திட்டமிட்டு பேசப்பட்டது அல்ல என்பதை உரை நிகழ்த்தப்பட்டு ஒரு சில நாட்களுக்குள்ளாகவே ஜமாஅத்தின் உத்தியோகபூர்வ இணையதளத்தில் ஜமாஅத் சார்பில் பகிரங்க அறிவித்தல் விடுக்கப்பட்டது.

ஜமாஅத்திற்கு எதிராக வழக்கு பதிவு செய்யப்பட்டதிலிருந்து இது பற்றி ஒவ்வொரு தவனையிலும் ஜமாஅத்தின் சட்டத்தரணிகள் மன்றில் தெரிவித்தே வந்தனர்.

இன்றைய வழக்கிலும் குறித்த பிரச்சினை பற்றிய விசாரனையில் “புத்தர் பற்றிய குறித்த பேச்சு வசனம், தவறுதலாக இடம் பெற்ற ஒன்றாகும். இது தொடர்பில் நாம் ஏற்கனவே பல தடவைகள் நீதி மன்றத்திலும் விளக்கம் தந்து விட்டோம். தவறுதலாக சொல்லப்பட்டது என்பதை நீதி மன்றம் ஏற்றுக் கொண்டு குறித்த வழக்கை முடிவுக்கு கொண்டு வர வேண்டும்” என்ற கோரிக்கை மீண்டும் வலியுறுத்தப்பட்டது.

தவ்ஹீத் ஜமாஅத் தரப்பு வாதத்தை ஏற்றுக் கொண்ட நீதிபதி பண்டார அவர்கள் “தாம் கூறிய குறித்த வார்த்தை தவறுதலாக இடம் பெற்றது என்று, அவர்கள் தமது தவரை ஒப்புக் கொண்டிருக்கும் நிலையில் வழக்கை தொடர்ந்து நடத்திச் செல்வது தேவையற்றது. குற்றம் சுமத்தப்பட்ட தவ்ஹீத் ஜமாஅத் தரப்பினர் புத்தர் பற்றிய பேசியது தவறுதலாக நடைபெற்ற ஒன்று என்று தெளிவாக குறிப்பிட்டுள்ளார்கள். ஆகவே இந்த வழக்கை முடிவுக்கு கொண்டு வருவதற்கு சட்டமா அதிபர் உத்தரவிட நீதி மன்றம் கோருவதாக சட்டமா அதிபருக்கு பொலிஸ் தரப்பினால் கடிதம் ஒன்றை உடனடியாக அனுப்புமாறு பொலிஸ் தரப்பினருக்கு இன்று உத்தரவிட்டார்”.

சிரேஷ்ட சட்டத்தரணிகளான மைத்ரி குணரத்த, சிராஸ் நூர்தீன் ஆகியோருடன் சட்டத்தரணிகளான நுஸ்ரா ஸருக், அன்ஜலோ பெனடிக், வசீம் அக்ரம், ரசீன் சுலைமான், மற்றும் இஸ்மாயீல் முஹம்மத் ஆகியோர் அடங்கிய குழுவினர் தவ்ஹீத் ஜமாஅத் சார்பில் மன்றில் ஆஜராகினர்.

கடந்த இரண்டு வருடங்களாக நடைபெற்று வரும் குறித்த வழக்கில் தற்போது திருப்பம் ஏற்பட்டுள்ளமை குறிப்பிடத் தக்கதாகும்.

-ஊடக பிரிவு,
தவ்ஹீத் ஜமாத் – SLTJ

கிளைகளின் கவனத்திற்கு! டெங்கு நோய் விழிப்புணர்வு பிரச்சாரம் பற்றிய அறிவிப்பு

நாடு முழுவதும் ஏற்பட்டுள்ள டெங்குத் தாக்கம் காரணமாக பலர் உயிரிழந்து ஆயிரக் கணக்கானவர்கள் கடுமையாக பாதிக்கப்பட்டுள்ளார்கள்.

டெங்கு நோய் பற்றிய விழிப்புணர்வை ஏற்படுத்தி டெங்குக்கு எதிரான பிரச்சாரம் மற்றும் களப்பணிகளை முன்னெடுப்பதற்காக ஸ்ரீ லங்கா தவ்ஹீத் ஜமாஅத் எதிர்வரும் 21.07.2017 முதல் 11.08.2017 வரை (03 வாரங்கள்) டெங்கு நோய் விழிப்புணர்வு பிரச்சாரம் மற்றும் களப்பணியை ஆற்றவுள்ளது.

இக்களப் பணியில் ஜமாஅத்தின் அனைத்து மாவட்ட, கிளை நிர்வாகிகள் உறுப்பினர்கள் இணைத்து செயலாற்றுமாறு தலைமை நிர்வாகம் கேட்டுக் கொள்வதுடன், மாவட்ட ரீதியில் நடைபெறவுள்ள செயற்குழுவில் இது பற்றிய முழுமையான விபரங்கள் பேசப்படும்.

டெங்கு நோய் விழிப்புணர்வு பிரச்சாரத்திற்கு தேவையான நோட்டிஸ், போஸ்டர், ஸ்டிக்கர் ஆகியவை PDF வடிவில் கீழே தரப்பட்டுள்ளது.

டெங்கு நோய் விழிப்புணர்வு பிரச்சாரத்திற்கு இவற்றை பயன்படுத்திக் கொள்ளவும்.

Dengue Tamil PDF

Dengue Sinhala PDF

ரமழான் மாதத்தில் வெளியிட வேண்டிய துண்டுப் பிரசுரங்கள்

புனித மிக்க ரமழான் மாதத்தில் கிளைகள் முழுவதிலும் வெளியிடப் பட வேண்டிய துண்டுப் பிரசுரங்கள் PDF வடிவில் தரப்பட்டுள்ளன. அவற்றை குறிப்பிட்ட நேரங்களில் மக்கள் மத்தியில் பிரசுரிக்குமாறு அன்பாய் வேண்டிக் கொள்கின்றோம்.

ரமழானின் சிறப்புகள்

இரவுத் தொழுகையும் அதன் சட்டங்களும்

இஃதிகாபும் அதன் சட்டங்களும்

பித்ராவின் சட்டங்கள்

லைலதுல் கத்ரும் அதன் சட்டங்களும்

பெருநாள் தொழுகையின் சட்டங்கள்

புது இரத்தம் பாய்ச்சிய புனித ரமழான்

ரமழான் பண்புகள் ஆயுல் வரை தொடரட்டும்

சமுதாய சீர்கேட்டை உண்டாக்கும் மதுபான உற்பத்தி ஆலைக்கு எதிரான மாபெரும் ஆர்பாட்டத்தில் அனைவரும் பங்கெடுப்போம்.

மட்டக்களப்பு மாவட்டம், கல்குடா பகுதியில் WM MENDIS & COMPANY என்ற மதுபான உற்பத்தி நிறுவனம் பாரிய மதுபானஆலை ஒன்றை நிர்மாணிக்கும் பணிகளை முன்னெடுத்து வருவது நாம் அறிந்ததே!

பல் சமுதாயங்கள் ஒன்றிணைந்து வாழும் மட்டக்களப்பு மாவட்டத்தில் மதுப் பாவனையின் மூலம் நாளுக்கு நாள் சமுதாயசீர்கேடுகளும், சமூக பிரச்சினைகளும், குடும்பங்களுக்கு இடையிலான சிக்கள்களும் அதிகரித்துள்ள இந்நிலையில் தற்போதுமதுபான உற்பத்தி ஆலை ஒன்றையே நிர்மாணிக்கும் பணியை அரச அனுமதியுடன் WM MENDIS & COMPANY முன்னெடுத்துவருகிறது. இந்த மதுபான ஆலை நிர்மாணப் பணிகளை உடனடியாக தடை செய்து உத்தரவிடக் கோரி பலரும் அரசாங்கத்திடம் பலவழிகளிலும் கோரிக்கையை முன்வைத்து வருகிறார்கள். இருப்பினும் குறித்த மதுபான ஆலை நிர்மாணப் பணிகளைநிறுத்துவதற்கு அரசு எவ்வித முன்னெடுப்புகளையும் இதுவரை செய்யவில்லை.

மாறாக, மதுபான ஆலையின் நிர்மாணப் பணி நடைபெறும் கிழக்கு மாகாண சபையிலோ, அல்லது சம்பந்தப்பட்ட பிரதேசசபையிலோ எவ்வித அனுமதியும் குறித்த நிறுவனத்திற்காக வழங்கப்படாத போதும், மத்திய அரசாங்கத்தின் நேரடி அனுமதியுடன்மதுபான ஆலையின் பணிகள் தற்போது முன்னெடுக்கப்பட்டு வருகின்றன.

மட்டக்களப்பு மாவட்டம் கல்வித் துறையிலும், வேலை வாய்ப்புகளை பெற்றுக் கொள்வதிலும் பின்னடைவில் காணப்படும்மாவட்டங்களில் ஒன்றாக இருக்கும் நிலையில் இம்மாவட்டத்தில் கல்வி, வேலைவாய்ப்புகளுக்கான உரிய முறையான எவ்விதமுன்னெடுப்புகளையும் மத்திய அரசு செய்யாமல் சமுதாயத்தில் பாரிய சீரழிவை உண்டாக்கும் மதுப் பாவனையை ஊக்குவிக்கும்விதமாக மதுபான ஆலைக்கு அனுமதியளிப்பதை ஏற்றுக் கொள்ள முடியாது.

WM MENDIS & COMPANYயின் மூலம் சுமார் 250 நபர்களுக்கு வேலைவாய்ப்பு கிடைக்கும் என்றொரு சமாதானத்தைசம்பந்தப்பட்டவர்கள் ஊடகங்களின் மூலம் முன்வைத்து வருகிறார்கள். 250 நபர்களின் தொழில்வாய்ப்புக்காக இலட்சக்கணக்கான குடும்பங்களின் சீர்கேட்டையும், சிக்கள்களையும் உண்டாக்கும் இக்காரியத்திற்கு ஒருபோதும்அனுமதியளிக்க முடியாது.

மாவட்டத்தில் வேலைவாய்ப்புகளை உண்டாக்குவது தான் அரசாங்கத்தின் நோக்கம் என்றால், வாழைச் சேனை காகித ஆலையைநவீன மயப்படுத்தலாமே? அதன் மூலம் பல குடும்ப உறுப்பினர்களுக்கு வேலைவாய்பை உண்டாக்கிக் கொடுக்கலாமே? மக்களுக்குபயனளிக்கக் கூடிய தொழிற்சாலைகளை உண்டாக்கலாமே?

450 கோடியில் மதுபான ஆலையை நிறுவுவதற்கு அனுமதியளித்த மத்திய அரசாங்கம், இதனை தவிர்த்து புதிய பல்கலைக்கழகங்களை மாவட்டத்தில் அதிகப்படுத்தலாமே? பாடசாலைகளை நவீனப்படுத்தி கல்விக்கு முன்னுரிமை வழங்கலாமே? மாவட்டத்தில் மக்களுக்கு செய்வதற்கு எத்தனையோ நல்ல காரியங்கள் இருக்கும் நிலையில் மத்திய அரசு அவசர அவசரமாகமதுபான ஆலை அமைப்பதற்கு அனுமதியளித்தது ஏன்?

வெறும் 250 நபர்களுக்கு வேலைவாய்ப்பு கிடைக்கும் என்பதற்காக ஒரு சமுதாயத்தையே அழித்து குடிகாரர்களாகமாற்றும் மதுபான தொழிற்சாலையை அமைப்பதை விட கடற்றொழில் பிரதேசமாக இருக்கும் கிழக்கு மாகாணபகுதியில் கடற்றொழிழை மேம்படுத்தும் நடவடிக்கைகளை மேற்கொண்டு அதன் மூலம் ஆயிரக்கணக்கானவர்களுக்குவேலைவாய்ப்புகளை ஏற்படுத்திக் கொடுக்க அரசு ஏன் முன்வரவில்லை?

வேலைவாய்புகளை உருவாக்கவும், செயல்படுத்தவும் இவ்வளவு சந்தர்பங்கள் இருந்தும் இவையெல்லாம் விடுத்துமதுபான ஆலையை உருவாக்குவதில் நல்லாட்சி அரசுக்கு ஏன் இவ்வளவு அக்கறை?

சட்டப்பிரகாரம் மட்டக்களப்பு மாவட்டத்தில் சுமார் 20 மதுபான சாலைகளே இருக்க முடியும். கடந்த 2009ம் ஆண்டு 47 மதுபான சாலைகள் இம்மாவட்டத்தில் காணப்பட்டன தற்போது 58 மதுபான சாலைகள் இருக்கின்றன. இந்நிலையில்தான் WM MENDIS & COMPANY சார்பில் மதுபான தொழிற்சாலையே இப்பகுதியில் நிர்மானிக்கப்படுகின்றது.

ஒரு நாட்டை வழி நடத்தும் நல்ல தலைவர்கள் இளைஞர்களை சீரழிக்கும் இது போன்ற திட்டங்களுக்கு எந்நிலையிலும்அனுமதியளிக்க மாட்டார்கள். ஆனால் இலங்கையை ஆட்சி செய்த, தற்போது ஆட்சி செய்து வருகிற அரசாங்கம்ஆகியவை காலத்திற்கு காலம் இளைஞர்களை சீரழிக்கும் இதுபோன்ற செயல்பாடுகளுக்கு வழியேற்படுத்தியேவருகிறது.

கடந்த பெப்ரவரி 01ம் தேதி (2017) கிழக்கு மாகாண சபை சார்பில் “போதையற்ற கிழக்கு” எனும் தொனிப்பொருளில்வேலைத் திட்டம் ஒன்று ஜனாதிபதி மைத்திரிபால சிரிசேனவினால் ஆரம்பித்து வைக்கப்பட்டது. இதில் சுமார் 3000க்கும்அதிகமான இளைஞர்கள் கலந்து கொண்டதாக செய்திகள் தெரிவித்தன.

“போதையற்ற கிழக்கு” திட்டத்தை ஆரம்பித்த ஜனாதிபதி தலைமையிலான நல்லாட்சி (?) அரசாங்கம் தான் தற்போது WM MENDIS & COMPANYயின் மதுபான தொழிற்சாலைக்கும் பூரண அனுமதி கொடுத்ததுடன் அதற்குறிய பூரண வரிவிலக்கையும் வழங்கியுள்ளது.

“போதையற்ற கிழக்கு” என்ற போர்வையில் வேலைத்திட்டத்தை ஆரம்பித்து மக்களை ஒரு பக்கம் ஏமாற்றுவதும், அதேநேரத்தில் மதுபான தொழிற்சாலை அனுமதியளித்து பரிபூரண வரி விலக்கு கொடுப்பதும் மக்களை ஏமாற்றும்  உச்சகட்டசெயல்பாடாகும்.

கடந்த 2013ம் ஆண்டு உலக சுகாதார ஸ்தாபனத்தின் புகைத்தல் எதிர்ப்புக்கான 2013 ஆம் ஆண்டுக்கான உலகளாவியவிருதுக்கு அப்போதைய சுகாதார அமைச்சராக இருந்த தற்போதைய ஜனாதிபதி மைத்திரிபால சிறிசேன தெரிவுசெய்யப்பட்டு 09.03.2013 ம் தேதி கொழும்பு பண்டாரநாயக்க சர்வதேச மாநாட்டு மண்டபத்தில் விருது வழங்கிகவுரவிக்கப்பட்டார்.

அமைச்சராக இருந்தபோது போதைக்கு எதிராக, புகைத்தலுக்கு எதிராக செயல்பட்டு உலக சுகாதார ஸ்தாபனத்தின்சர்வதேச விருதை பெற்றுக் கொண்டவர் தான் ஜனாதிபதியாக மாறிய பின்னர் மதுபான தொழிற்சாலைகளுக்குஅனுமதியளித்து வருகிறார்.

மட்டக்களப்பு மாவட்டத்தில் மாத்திரம் மது மற்றும் புகைத்தலுக்காக பொதுமக்களால் ஒரு மாதத்திற்கு சராசரியாக 41 கோடியே 36 இலட்சத்து 99 ஆயிரத்து 680 ரூபாய்கள் செலவிடப்படுவதாக கணக்கிடப்பட்டுள்ளது.

நாட்டின் ஒரு மாவட்டத்தின் நிலை இதுவென்றால் அனைத்து மாவட்டங்களையும் கணக்கிலெடுத்தால் ஒரு நாளைக்குமது மற்றும் புகைத்தலினால் எவ்வளவு இலாபத்தை அரசு ஈட்டுகிறது என்பதையும், எத்தனை குடும்பங்கள் நாசமாகிறதுஎன்பதையும் நாம் புரிந்து கொள்வது கடினமானதல்ல.

இலங்கையின் அதிகூடிய மதுபான நுகர்வு குடிப்பழக்கத்தில் முதல் மாவட்டமாக நுவரெலியா மாவட்டமும், இரண்டாமிடத்தில் யாழ்பாண மாவட்டமும் நாட்டில் மூன்றாவது இடத்தில் மட்டக்களப்பு மாவட்டமும் காணப்படுகிறது. இந்நிலையில் இன்னுமொரு மதுபான தொழிற்சாலையும் அமைக்கப்பட்டால் மட்டக்களப்பு மாவட்டம் மட்டுமல்லஇலங்கையின் நிலை எப்படியிருக்கும்?

ஆகவே, மட்டக்களப்பு மாவட்டத்தில் அமைக்கப்பட்டு வரும் மதுபான தொழிற்சாலை நிர்மாணப் பணிகள் உடனடியாகநிறுத்தப்பட்டு, மதுபான உற்பத்தி தொழிற்சாலை அமைப்பதற்கு மத்திய அரசாங்கம் வழங்கிய அனுமதியும் உடனடியாக ரத்துசெய்யப்பட வேண்டும். என்ற கோரிக்கையை வலியுறுத்தி எதிர்வரும் வெள்ளிக்கிழமை பி.ப. 01.00 மணிக்கு (ஜ{ம்மா தொழுகையைதொடர்ந்து) சிரீ லங்கா தவ்ஹீத் ஜமாஅத் – மட்டக்களப்பு மாவட்டம் சார்பில் ஓட்டமாவடி பிரதான வீதியில் மாபெரும் கண்டனஆர்ப்பாட்டம் ஒன்று நடைபெறவுள்ளது.

கலாசார குடும்ப சீரழிவை உண்டாக்கி, சமுதாயத்தை கெடுக்கும் கல்குடா – மதுபான உற்பத்தி தொழிற்சாலையின் நிர்மாணப்பணிகளை உடன் நிறுத்தக் கோரி நடத்தப்படும் மாபெரும் ஆர்பாட்டத்தில் பிரதேச வாழ் மக்கள் அனைவரும் கலந்து கொண்டுஎதிர்ப்பை வெளிக்காட்டுவதின் மூலம் மதுவற்ற மாவட்டமாக மட்டக்களப்பு மாற ஒத்துழைக்குமாறு அன்பாய் வேண்டிக்கொள்கிறோம்.

SLTJ தலைமை நிர்வாகிகள் மீதோடமுல்ல களத்ததில்

ஸ்ரீ லங்கா தவ்ஹீத் ஜமாஅத் தலைமை நிர்வாகம் கடந்த 2017-04-10 திகதி மீதொட முல்ல குப்பை மேடு சருகி விலுந்ததால் பாதிக்க பட்ட மக்களுக்கு நிவாரன உதவிகள் வழங்குவதற்காக மக்களை சந்திக்க சென்ற போது.

SAM_4628
SAM_4632

SAM_4633

 

 

மாதம்பை மர்கஸ் தாக்குதல் வழக்கில் மகத்தான வெற்றி!

ஸ்ரீலங்கா தவ்ஹீத் ஜமாஅத்தின் மாதம்பை கிளையினால் கடந்த 14.02.2014 அன்று தங்களது மர்கஸில் ஜூம்ஆ கடமையினை நடாத்திய போது, ஜூம்ஆவை நிறுத்தக் கோரி எமது மர்கஸ் கடுமையாக தாக்கப்பட்டு சேதப்படுத்தப்பட்டதுடன், ஆவணங்களும் தீயிட்டுக் கொழுத்தப்பட்டன. இக்காடைத் தனத்தை கண்டித்து வழக்குத் தாக்கலும் செய்யப்பட்டது. அவரவருக்கு தான் விரும்பும் கொள்கையினை பிரச்சாரம் செய்யும் உரிமை உண்டு, அதனை தடுக்கும் அதிகாரம் யாருக்கும் இல்லை என்ற நீதிமன்ற உத்தரவு ஏலவே வழங்கப்பட்டு, வாடகை இடத்தில் ஆரம்பித்த ஜூம்ஆ கடமையானது தற்போது சொந்தக் கட்டடத்தில் தொடராக நடாத்தப்பட்டும் வருகிறது, அல்ஹம்துலில்லாஹ்.

ஜூம்ஆவை தடுக்கும் விதமாய் திரண்டவர்களினால் சேதப்படுத்தப்பட்ட சொத்துக்களுக்கான நஷ்ட ஈட்டைப் பெறும் வழக்கு சிலாபம் நீதவான் நீதிமன்றத்தில் தொடர்ந்தும் விசாரணைக்கு எடுக்கப்பட்டு வந்தது. அதன் இறுதி முடிவாக தாக்குதல் தொடுத்தவர்கள் நஷ்ட ஈட்டுத் தொகையாக 250000.00 ரூபாயினை செலுத்த வேண்டும் என எதிர் தரப்புக்கு நீதவான் கட்டளையிட்டார். அதற்கமைவாக சென்ற 09.02.2017 அன்று சிலாபம் நீதவான் நீதிமன்றத்தில் வைத்து எதிர் தரப்பினர் 250000.00 ரூபாயில் 200000.00 ரூபாயினை நஷ்ட ஈட்டுத் தொகையாக செலுத்தியதோடு, மீதித் தொகையினை அடுத்த தவணையில் செலுத்த வேண்டும் எனவும் உத்தரவிடப்பட்டுள்ளனர்.

கருத்தை கருத்தால் எதிர் கொள்ளாது காடைத்தனத்தால் எதிர் கொள்ள நினைக்கும் அனைத்து தரப்பினரும் இதிலிருந்து பாடம் படித்து தங்களை திருத்திக் கொள்ள முனைவதோடு, பிரச்சார உரிமை என்பது இந்நாட்டு அரசியல் யாப்பு தந்துள்ள அடிப்படை உரிமை என்பதையும் கருத்தில் எடுப்பதுடன், அடிதடி கலாச்சாரம் என்பது ஒரு கருத்தை இன்னும் இன்னும் வளர்ப்பதற்கே துணை புரியும் என்பதையும் எப்போதும் மனதில் இருத்தி செயற்படல் வேண்டும் என்பதனையும் இங்கு குறிப்பிடுவதுடன், சத்தியம் ஆரம்பத்தில் எதிர்க்கப்பட்டாலும் இறுதி முடிவு வெற்றியாகவே அமையும் என்பதையும் நாம் உணர்வதுடன், இவ்வெற்றிக்கு முழுவதும் துணை நின்ற வல்லவன் அல்லாஹ்வை பெருமை படுத்தவும் செய்வோமாக!

தகவல்

ஊடகப் பிரிவு பொறுப்பாளர்

ரீஸா யூஸூப் (SLTJ – துணைச் செயலாளர்)

SLTJ பூனொச்சிமுனை கிளை நிர்வாக களைப்பும் புதிய பொறுப்பாளர்களும்

ஸ்ரீ லங்கா தவ்ஹீத் ஜமாஅத் மட்டக்களப்பு மாவட்ட நிர்வாகத்தின் கீழ் இயங்கிவத்த பூனொச்சிமுனை கிளையின் நிர்வாகிகளாக இருந்த

  1. றம்ஸுன்
  2. அஸீம்
  3. பர்ஸான்
  4. சப்ஹான்

ஆகிய நபர்கள் நீக்கப்பட்டு ,

  1. சித்திகீன் முஸம்மில்
  2. முஹம்மது இஸ்மாயில் முஹம்மது இபாஸ்

ஆகிய இருவரும் புதிய பொறுப்பாளர்களாக நியமிக்கப்பட்டனர், என்பதை மக்களுக்கு அறியத்தருகிறோம்.

தவ்ஹீத் இஸ்லாமிய கல்லூரிக்கு புதிய மாணவர்களை இணைத்துக் கொள்வதற்கான நேர்முக பரீட்சை

2year courseதவ்ஹீத் இஸ்லாமிய கல்லூரிக்கு புதிய மாணவர்கள் சேர்த்தல்

Download Application

Read More

தீ வைத்து எரிக்கப்பட்ட தவ்ஹீத் ஜமாஅத் – பாலமுனைக் கிளையின் சீரமைக்கப்பட்ட புதிய அலுவலகம்

இஸ்லாத்தை அதன் தூய வடிவில் இலங்கை முழுவதும் பிரச்சாரம் செய்து வரும் ஸ்ரீ லங்கா தவ்ஹீத் ஜமாஅத்தின் பாலமுனைக் கிளை அலுவலகம் கடந்த 08.12.2016 அன்று வழிகேடர்களினால் எரிக்கப்பட்டது.

சத்தியத்தை ஜனநாயக முறையில் எதிர்க்க முடியாமல் தமது காடைத்தனத்தின் மூலமாவது அடக்க நினைக்கும் வழிகேடர்கள் தமது கடைசி ஆயுதமாக அதர்மத்தையே கையில் எடுக்கிறார்கள்.

ஏகத்துவ வாதிகளை தாக்குவது, தவ்ஹீத் ஜமாஅத்தின் பிரச்சார அலுவலகங்களை அடித்து நொறுக்குவது, மர்கஸ்களை தீ வைத்து எரிப்பது என தமது வழிகெட்ட கொள்கையை காப்பாற்றிக் கொள்வதற்காக அடாவடித்தனத்தை கையிலெடுப்பது வழிகேடர்களின் காலாகால வழிமுறை தான்.

அல்லாஹ்வின் தூய மார்க்கத்தை அதன் தூய வடிவில் எடுத்துரைக்கும் தவ்ஹீத் ஜமாஅத்திற்கு எதிராக கடந்த காலங்களிலும் மாதம்பை, சாய்ந்தமருது, உலப்பனை, பேருவலை, சவலக்கடை, நெல்லியகம, வெள்ளவ மற்றும் அக்குரணை போன்ற இடங்களிலும் இதே முறையில் தாக்குதல் நடத்தி, மர்கஸை தீ வைத்து எரித்து இறைவனின் தூய கொள்கையை அழித்து விட துடித்தார்கள்.

இறைவனின் மாபெரும் கருணையினால், இது போன்ற அடாவடித்தனங்களின் பின்னர் தவ்ஹீத் ஜமாஅத்தின் ஏகத்துவப் பிரச்சாரத்தை புரிந்து கொள்ளும் மக்களின் எண்ணிக்கை ஒவ்வொரு ஊர்களிலும் வளர ஆரம்பித்தது. அடிபட்ட இடத்திலெல்லாம் அல்லாஹ்வின் மார்க்கம் துளிர் விட ஆரம்பித்து, தவ்ஹீத் வாதிகள் தாக்கப்பட்ட பல ஊர்களில் இன்று பாரிய மர்கஸ்கள் அமைத்து பிரச்சாரம் செய்யும் அளவுக்கு அல்லாஹ் இந்தக் கொள்கைக்கு வெற்றியைக் கொடுத்துள்ளான்.

கடந்த 08.12.2016 ம் திகதியன்று ஸ்ரீ லங்கா தவ்ஹீத் ஜமாஅத்தின் பாலமுனை கிளை சகோதர்கள் ப்ரொஜக்டர் மூலம் பாலமுனை பகுதியில் ஏகத்துவப் பிரச்சாரம் மேற்கொண்டிருந்த நேரம் பார்த்து காடையர்களினால் கிளை அலுவலகம் தீக்கிரையாக்கப்பட்டது. – சத்தியத்தை தீ வைத்து எரிக்கலாம் என்று நினைத்தவர்களுக்கு இறைவன் சாட்டையடி வழங்கினான்.

தவ்ஹீத் ஜமாஅத்தின் கொள்கை பிரச்சாரம் பற்றிய உண்மைகளை மக்கள் புரிந்து கொள்வதற்கு அல்லாஹ் வழி செய்தான்.

ஓலைக் குடிசையாக இருந்த தவ்ஹீத் ஜமாஅத் அலுவலகம் தீ வைத்து எரிக்கப்பட்டது. – இறைவனின் மாபெரும் கருணையினால் இன்று அதே அலுவலகம் பொது மக்களின் நிதியுதவியினால் விரிவாகம் செய்யப்பட்டு கட்டப்பட்டு தொழுகை மற்றும் மார்க்கப் பிரச்சாரங்களுக்கான ஏற்பாடுகள் செய்யப்பட்டுள்ளது.

பாலமுனைக் கிளையின் தற்போதைய நிலை தொடர்பில் தவ்ஹீத் ஜமாஅத் தலைமை நிர்வாகம் சார்பில் கடந்த 30.12.2016 அன்று தலைமை நிர்வாகிகள் நேரில் சென்று பார்வையிட்டதுடன், அடுத்த கட்ட பிரச்சாரங்கள் தொடர்பான ஆலோசனைகளும் வழங்கப்பட்டது. – அல்ஹம்து லில்லாஹ்

அல்லாஹ்வின் ஒளியைத் தமது வாய்களால் ஊதி அணைக்க நினைக்கின்றனர். (தன்னை) மறுப்போர் வெறுத்தாலும் அல்லாஹ் தனது ஒளியை முழுமைப்படுத்தாமல் விடமாட்டான்.

அல்குர்ஆன் 09:32

15284852_1180103455370159_6741277398732032097_n

15326515_1180103345370170_1739906153510510961_n

15327235_1180103412036830_4522138959051323591_n

15856926_1191361554274884_166351483_o

15878185_1191361474274892_2011225315_o

15902474_1191361494274890_2109150290_o

15909151_1191361464274893_1284556153_o 15909169_1191361440941562_163512580_o

15933970_1191361574274882_1639039696_o

கிளைகளின் கவனத்திற்கு! – இஸ்லாம் தீவிரவாதத்தை போதிக்கிறதா? – நோட்டிஸ்

தவ்ஹீத் ஜமாஅத் நாடு முழுவதும் செய்து வரும் “தீவிரவாதத்திற்கு எதிரான முஸ்லிம்களின் தீவிர பிரச்சாரம்” நிகழ்ச்சித் திட்டத்திற்கு மாற்று மத நண்பர்கள் மத்தியில் வெளியிட வேண்டிய “இஸ்லாம் தீவிரவாதத்தை போதிக்கிறதா?” என்ற தலைப்பிலான நோட்டிஸ் PDF வடிவத்தில் இணைக்கப்பட்டுள்ளது.

நோட்டிஸ் PDF பைலை டவுன்லோட் செய்ய இங்கு க்லிக் செய்யவும்.

பொது பல சேனாவின் கடிதத்திற்கு கட்டாயம் பதிலளிக்க வேண்டும். – பதில் வழங்க தேவையான அனைத்து ஒத்துழைப்புகளையும் தருவதற்கு நாம் தயார் – உலமா சபைக்கு தவ்ஹீத் ஜமாஅத் கடிதம்

குர்ஆனின் சில வசனங்களுக்கும், சில நபி மொழிகளுக்கும் விளக்கம் கேட்டு பொது பல சேனா சார்பில் அகில இலங்கை ஜம்மிய்யதுல் உலமா சபைக்கு அனுப்பிய கடிதம் தொடர்பாக தவ்ஹீத் ஜமாஅத் சார்பில் நேற்று (22.12.2016) ஜம்மிய்யதுல் உலமா சபைக்கு அனுப்பி வைக்கப்பட்ட கடிதம் கீழே இணைக்கப்பட்டுள்ளது.

——————————————-

உலமா சபைத் தலைவர் சகோ. ரிஸ்வி முப்தி அவர்களுக்கு!

அஸ்ஸலாமு அலைக்கும் வரஹ்!

நாட்டில் இனவாதம் மீண்டும் தலையெடுத்துள்ள இந்நிலையில் கடந்த 18.11.2016 திகதியிடப்பட்டு பொது பல சேனா அமைப்பிலிருந்து அகில இலங்கை ஜம்மிய்யதுல் உலமா சபைக்கு ஒரு கடிதம் அனுப்பப் பட்டிருந்தது. குறித்த கடிதம் ஊடகங்களுக்கும் அனுப்பப்பட்டு சமூக வலை தளங்களிலும் பரப்பப்பட்டது.

பொது பல சேனாவினால் உலமா சபைக்கு அனுப்பப்பட்டிருந்த குறித்த கடிதத்தில் புனித திருமறைக் குர்ஆனில் இடம் பெற்றுள்ள சில முக்கிய வசனங்களுக்கு விளக்கம் கோரப்பட்டிருந்ததுடன் சில நபி மொழிகளுக்கும் விளக்கம் தரும்படி கோரியிருந்தார்கள்.

பொது பல சேனாவின் கடிதத்திற்கு கட்டாயம் முறையான பதிலளிக்க வேண்டும்.

ஏக இறைவன் மூலம் மனித குலத்திற்கு வழிகாட்டியாக அனுப்பப்பட்ட இறைத் தூதர் முஹம்மத் (ஸல்) அவர்களுக்கு இறைவனிடம் இருந்து வஹி மூலம் அறிவிக்கப்பட்ட புனித குர்ஆன் தொடர்பில் உலகில் அனைத்து பகுதிகளிலும் கேள்விகள் எழுப்பப் படுகின்றன, விமர்சனங்களும் முன் வைக்கப்படுகின்றன. அவை அனைத்துக்கும் அவ்வப்போது இஸ்லாமிய அறிஞர்கள் பதிலளித்து வருகிறார்கள்.

இலங்கையிலும் கடந்த சில வருடங்களாக குர்ஆன் தொடர்பிலும், நபியவர்கள் தொடர்பாகவும், இஸ்லாத்தை கடுமையான முறையில் விமர்சனம் செய்தும் மாற்று மத நண்பர்களினால் கேள்விகள் முன் வைக்கப்பட்டு வருகின்றன. இவற்றுக்கு நாம் பதிலளிக்காத நிலையில் “எமது கேள்விகளுக்கு இஸ்லாத்தில் பதிலில்லை” இஸ்லாம் பயங்கரவாத மார்க்கம் என்ற தோற்றப்பாட்டை சாதாரண பௌத்த மக்கள் மத்தியில் உண்டாக்கி விடும். ஆகவே மாற்று மதத்தவர்கள் இஸ்லாம் தொடர்பில் முன் வைக்கும் கேள்விகளுக்கு அழகிய பதில்களை வழங்க வேண்டியது எமது கடமையாக உள்ளது.

ஸ்ரீ லங்கா தவ்ஹீத் ஜமாஅத் சார்பில் நாடு முழுவதும் “இஸ்லாம் ஓர் இனிய மார்க்கம்” என்ற தலைப்பில் சிங்களம் மற்றும் தமிழ் மொழிகளின் மாற்று மத நண்பர்களை அழைத்து இஸ்லாம் பற்றி அவர்களுக்கு ஏற்பட்டுள்ள அர்த்தமுள்ள சந்தேகங்களுக்கு குர்ஆன் மற்றும் நபியவர்களின் வழிகாட்டல் மூலம் அர்த்தமுள்ள பதில்களை மாற்று மத நண்பர்கள் திருப்திப்படும் வகையில் வழங்கி வருகிறோம். நாடலாவிய ரீதியில் மாற்று மத மக்கள் மத்தியில் இந்நிகழ்ச்சி பெரும் வரவேற்பைப் பெற்று வருகிறது.

அந்த வகையில் தற்பொது பொது பல சேனா அமைப்பு சார்பில் உலமா சபைக்கு அனுப்பப்பட்டுள்ள கடிதத்தில் புனித குர்ஆனின் வசனங்களுக்கான விளக்கங்கள் கோரப்பட்டுள்ளன. இவற்றுக்கு உரிய முறையில் பதிலளிப்பது இலங்கை வாழ் இஸ்லாமிய சமுதாயத்தின் கடப்பாடாக உள்ளது.

இதுவரை காலமும் இனவாதத்தை மாத்திரமே நம்பியிருந்த பொது பல சேனா அமைப்பினர் தற்போது கேள்வி கேட்டு பதில்களை பெற்றுக் கொள்ள முனைகிறது என்ற வகையில் அவர்களின் கடிதத்தை புறக்கணிக்காமல் கட்டாயம் பதிலளிக்க வேண்டும்.

கடிதம் தெளிவில்லை என்பது முறையான பதில் அல்ல.

பொது பல சேனாவினால் ஜம்மிய்யதுல் உலமா சபைக்கு கடிதம் அனுப்பப்பட்ட செய்தி சமூக ஊடகங்களில் பரப்பட்ட நேரத்தில் “குறித்த கடிதத்திற்கு நாம் பதிலளிப்போம்” என்று ஜம்மிய்யாவின் செயலாளர் குறிப்பிட்டதாக செய்திகள் இணையதள செய்தி ஊடகங்களில் பார்க்கக் கிடைத்தது.

இதே நேரம் கடந்த 30.11.2016 அன்றைய விடிவெள்ளி பத்திரிக்கையில் “பொது பல சேனாவின் கடிதம் யாருக்குறியது என்று தெளிவுபடுத்தப்படாமல் அனுப்பப்பட்டுள்ளது. தலைவருக்கா?, செயலாளருக்கா? என்ற விபரம் அதில் இல்லை. ஆகவே அது தொடர்பில் நாம் பொது பல சேனாவிடம் விளக்கம் கோர இருக்கிறோம்.” என்ற கருத்துப்பட ஜம்மிய்யாவின் தலைவர் அஷ்ஷெய்க் ரிஸ்வி முப்தி அவர்கள் அளித்த விளக்கம் வெளியிடப்பட்டிருந்தது.

ஒரு கடிதத்தை பொறுத்த வரையில் அது எந்த அமைப்புக்கு உத்தியோகபூர்வமாக அனுப்பப்பட்டதோ அந்த அமைப்பு குறித்த கடிதத்திற்கு பதில் வழங்க வேண்டும். தலைவருக்கா? செயலாளருக்கா? என்றில்லா விட்டாலும் ஜம்மிய்யதுல் உலமா சபைக்கு என்று தெளிவாக கடிதத்தில் குறிப்பிடப்பட்டிருக்கும் போது அது உங்கள் அமைப்பின் காரியாலயத்திற்கே கிடைக்கப் பெற்றிருக்கும் போது “கடிதம் தெளிவில்லை விளக்கம் கோர இருக்கிறோம்” என்கிற பதில் பொருத்தமற்றதாகும்.

கடிதத்தில் கேட்க்கப்பட்டுள்ள கேள்விகளில் தெளிவின்மை இருப்பின் அது தொடர்பில் விளக்கம் கோர வேண்டும். தெளிவில்லாத கேள்விக்கு முறையான பதில் அளிக்க முடியாது என்பதினால் விளக்கம் கோருவது கட்டாயமாகி விடும். ஆனால் பொது பல சேனாவினால் தற்போது ஜம்மிய்யதுல் உலமா சபைக்கு அனுப்பப் பட்டுள்ள கடிதத்தை பொறுத்த வரையில் அதில் கேள்விகளில் தெளிவில்லாமல் இருக்கிறது என்று ஜம்மிய்யா எங்கும் சொல்ல வில்லை. தலைவருக்கா? செயலாளருக்கா? என்று குறிப்பிட வில்லை என்று தான் உலமா சபையின் தலைவர் தெரிவித்திருக்கிறார்.

தலைவருக்கா? செயலாளருக்கா? என்று குறிப்பிட வேண்டிய அவசியம் இல்லை. ஜம்மிய்யதுல் உலமாவுக்கு என்று தெளிவாக குறிப்பிட்டுள்ளார்கள். அத்துடன் குறித்த கடிதம் உங்களுக்கு கிடைத்துமிருக்கிறது. அப்படியிருக்கையில் அதற்கு பதிலளிக்காமல் இருக்கும் விதமான காரனங்களை ஊடகங்களுக்கு தெரிவிப்பது உரிய பதிலாக இருக்காது.

பொது பல சேனாவினால் அகில இலங்கை ஜம்மிய்யதுல் உலமா சபைக்கு அனுப்பப்பட்டுள்ள கடிதத்தில் புனித அல்-குர்ஆன் மற்றும் நபிமொழிகள் தொடர்பில் விளக்கம் கோரப்பட்டுள்ளது. குறித்த கடிதம் உலமா சபைக்கு முகவரியிட்டு அனுப்பப்பட்டாலும் அதன் உள்ளடக்கம் முஸ்லிம்களின் புனித குர்ஆன் தொடர்பானதாகும். அதற்கு பதிலளிப்பது ஜம்மிய்யாவின் மட்டுமல்ல அனைத்து முஸ்லிம்களினதும் கட்டாயக் கடமையாகும்.

இதே நேரம், குறித்த கடிதத்தில் பொது பல சேனாவின் தரப்பிலிருந்து கேட்க்கப்பட்டுள்ள கேள்விகள் பதிலளிக்க முடியாத கேள்விகளுமல்ல. முறையாகவும் தெளிவாகவும் பதிலளிக்க முடியுமான சாதாரண கேள்விகள் தான்.

மாத்திரமன்றி, தற்போது ஜம்மிய்யதுல் உலமா சபையிடம் பொது பல சேனாவினால் கேட்க்கப்பட்டுள்ள கேள்விகளுக்கு தவ்ஹீத் ஜமாஅத் சார்பில் கடந்த வருடம் நவம்பர் மாதம் கொழும்பு சுகததாச உள்ளரங்கத்தில் நாம் வெளியிட்ட அல்-குர்ஆன் சிங்கள மொழி பெயர்ப்பிலேயே பதில்கள் வழங்கப்பட்டுள்ளன என்பதும் மேலதிக தகவலாகும். மாற்று மத நண்பர்கள் குர்ஆனில் இருந்து எழுப்பும் சந்தேகங்களுக்கு உரிய பதில்களை ஏற்கனவே நாங்கள் வெளியிட்ட குர்ஆன் சிங்கள மொழியாக்கத்தில் தெளிவாக விளக்கியிருக்கிறோம்.

பொது பல சேனாவின் கடிதத்திற்கு உரிய பதிலை வழங்குவதற்கு குர்ஆன் மற்றும் நபியவர்களின் வழிகாட்டல் படி முழுமையான அறிவு ரீதியிலான மற்றும் மொழி ரீதியிலான அனைத்து விதமான ஒத்துழைப்புகளையும் ஜம்மிய்யதுல் உலமாவுக்கு தருவதற்கு தவ்ஹீத் ஜமாஅத் தயாராகவுள்ளது.

(கட்டாயம்) தலைவர் உள்ளிட்ட நிர்வாக சபையினரை நேரில் சந்திக்க விரும்புகிறோம்.

ஆகவே, குறித்த கடிதம் தொடர்பில் ஜம்மிய்யதுல் உலமா சபையின் தலைவர் சகோ. ரிஸ்வி முப்தி, செயலாளர் சகோ. முபாரக் மதனி உள்ளிட்ட தலைமை நிர்வாக சபையினரை நேரில் சந்திந்து கலந்துரையாடல் நடத்த தவ்ஹீத் ஜமாஅத் விரும்புகிறது.

இக்கலந்துரையாடல் உலமா சபையின் தலைவர் சகோ. ரிஸ்வி முப்தி மற்றும் செயலாளர் சகோ. முபாரக் மதனி உள்ளிட்டவர்கள் கட்டாயம் பங்குபெற வேண்டும் என்பதுடன் வேறு நபர்களை வைத்து பேசுவதினூடாக முறையான ஒரு காரியத்தை பிரயோஜனம் அற்றதாக ஆக்கி விட வேண்டாம் என்றும் அன்பாய் வேண்டிக் கொள்கிறோம்.

கடிதத்திற்கு பதிலளிக்காமல் புரக்கணிப்பதையே பதிலாக்க வேண்டாம்

ஏற்கனவே பல தடவைகள் சமுதாயப் பிரச்சினைகள் தொடர்பில் உலமா சபையின் தலைவர் உள்ளிட்ட நிர்வாக சபையினரை தவ்ஹீத் ஜமாஅத் சார்பில் நாம் சந்திக்க முயற்சித்து உத்தியோகபூர்வமாக கடிதம் அனுப்பிய போதும் உலமா சபையினர் எம்மை சந்திக்க நேரம் ஒதுக்க வில்லை. கடிதம் மூலம் உத்தியோகபூர்வமாக அனுகிய போதெல்லாம் பெரும்பாலும் தலைவர் நாட்டில் இல்லை என்கிற ஒரு பதில் எமக்கு வாய் வார்த்தையாக தரப்பட்டது. தலைவர் வந்தவுடன் தொடர்பு கொள்வோம் என்று கூறப்பட்டது. ஆனால் இதுவரை ஒரு முறை கூட எமது கடிதங்களுக்கு பதில் அளிக்கப்படவும் இல்லை. சந்திக்க நேரம் தரப்படவும் இல்லை என்பதை இங்கு தெளிவாக குறிப்பிட விரும்புகிறோம்.

இஸ்லாத்தின் அடிப்படை கொள்கை விஷயத்தில் தனித்துவமாக இஸ்லாத்தை அதன் தூய வடிவில் எவ்வித விட்டுக் கொடுப்புமில்லாமல் பிரச்சாரம் செய்து வரும் தவ்ஹீத் ஜமாஅத், சமுதாயப் பிரச்சினைகளில் மற்ற அமைப்பினருடன் இணைந்து செயல்படுவதற்கு தயாராகவே இருக்கிறது. ஆனால் எம்மை வேண்டுமென்றே புரக்கணித்து விட்டு “தவ்ஹீத் ஜமாஅத்தினர் சமுதாயப் பிரச்சினைகளில் இணைந்து செயல்படுவதில்லை” என்று குற்றம் சாட்டுவது ஏற்றுக் கொள்ள முடியாத ஒன்றாகும்.

இறுதியாக கடந்த 09.11.2016 அன்று ஜம்மிய்யதுல் உலமா சபை, தேசிய சூரா சபை, முஸ்லிம் கவுன்ஸில் உள்ளிட்ட “முஸ்லிம் அமைப்புகளின் கூட்டமைப்பு” உறுப்பினர்கள் தவ்ஹீத் ஜமாஅத் நிர்வாகத்துடன் சிரேஷ்ட சட்டத்தரணி ஷிராஸ் நூர்தீன் தலைமையில் அவருடைய வீட்டில் ஒரு சந்திப்பை நடத்தினார்கள். குறித்த சந்திப்பில் சமுதாயப் பிரச்சினைகளில் தவ்ஹீத் ஜமாஅத் மற்ற அமைப்பினருடன் இணைந்து செயல்பட தயாராக இருந்தும் ஜம்மிய்யதுல் உலமா சபையினரால் தெளிவாக புரக்கணிக்கப்பட்டுள்ளார்கள் என்பது ஏக மனதாக ஒப்புக் கொள்ளப்பட்டது.

அதன் பின்னரும் கூட இனிமேல் சமுதாயப் பிரச்சினைகளில் தவ்ஹீத் ஜமாஅத்தை இணைத்து செயல்படுவது என்றும், தவ்ஹீத் ஜமாஅத்திற்கு எதிராக எவ்விதமான அறிக்கைகளையும் வெளியிடுவது இல்லை என்றும் தெளிவாக முடிவெடுத்து விட்டு 11.11.2016 அன்று எடுத்த முடிவுக்கு மாற்றமான ஒரு அறிக்கையை வெளியிட்டு இணைந்து செயல்படுவதற்கான இறுதி வாயிலையும் மூடியது ஜம்மிய்யதுல் உலமா உள்ளிட்ட முஸ்லிம் அமைப்புகள் தான் என்பதையும் இவ்விடத்தில் நினைவூட்ட விரும்புகிறோம்.

குறிப்பு:

நாம் பல முறை ஜம்மிய்யதுல் உலமா சபையை சந்திக்க உத்தியோகபூர்வமாக கடிதம் மூலம் முயற்சித்தும் எமக்கு எவ்வித பதில்களும் உலமா சபை சார்பில் தரப்பட வில்லை. இந்த கடிதத்தையும் வழமை போல் பதிலளிக்காத கடிதமாக மாற்றி விட வேண்டாம்.

இதற்கு இன்றிலிருந்து (22.10.2016) எதிர்வரும் 02.01.2017 ம் திகதிக்கு முன் சுமார் 10 நாட்களுக்குள் உத்தியோகபூர்வமாக உரிய பதிலை எமக்கு அனுப்பி வைக்குமாறு அன்பாய் வேண்டிக் கொள்கிறோம்.

அன்புடன்

ஆர். அப்துர் ராசிக் B.Com (Special)

பொதுச் செயலாளர்,

தவ்ஹீத் ஜமாஅத் – SLTJ

01

02

03

தவ்ஹீத் ஜமாஅத் மீது பொது பல சேனா பதிவு செய்துள்ள மத நிந்தனை வழக்கு அடுத்த வருடம் பெப்ரவரி மாதத்திற்கு ஒத்திவைப்பு

பௌத்த மதத்தை இழிவு படுத்தியதாக குற்றம் சாட்டி தவ்ஹீத் ஜமாஅத் செயலாளர் சகோ. அப்துர் ராசிக் மீது பொது பல சேனாவினால் பதிவு செய்யப்பட்ட மத நிந்தனை வழக்கு மீண்டும் அடுத்த வருடம் பெப்ரவரி மாதம் 23ம் திகதிக்கு ஒத்தி வைக்கப்பட்டுள்ளது.

ஸ்ரீ லங்கா தவ்ஹீத் ஜமாஅத் தலைமையத்தில் நடத்தப்பட்ட மார்க்க விளக்க நிகழ்ச்சியில் “முஸ்லிம்களின் உரிமையை பாதுகாப்போம்” என்ற தலைப்பில் ஜமாஅத்தின் செயலாளர் சகோ. அப்துர் ராசிக் ஆற்றிய உரையில் பௌத்த மதத்தை இழிவு படுத்திப் பேசினார் என்று குற்றம் சாட்டி பொது பல சேனாவினால் கொழும்பு, பிரதான நீதிவான் நீதி மன்றத்தில் வழக்கு பதிவு செய்யப்பட்டுள்ளது.

குறித்த வழக்கின் விசாரனை இன்று நீதிபதி கலன்சூரிய முன்னிலையில் விசாரனைக்கு எடுத்துக் கொள்ளப்பட்ட போதே வழக்கை மீண்டும் 23.02.2017ம் திகதிக்கு நீதிபதி ஒத்தி வைத்தார்.

இதில் தவ்ஹீத் ஜமாஅத் சார்பில் ஜமாஅத்தின் தலைவர் சகோ. ரியாழ், துணை தலைவர் சகோ. பர்சான், பொருளாளர் சகோ. ரிழ்வான், துணை செயலாளர் சகோ. ரஸ்மின் மற்றும் இணையதள பொறுப்பாளர் சகோ. தவ்சீப் அஹ்மத் ஆகியோர் மன்றில் ஆஜரானார்கள்.

குறித்த வழக்கு விசாரனையில் தவ்ஹீத் ஜமாஅத் சார்பில் ஜனாதிபதி சட்டத்தரணி காலிங்க, சிரேஷ்ட சட்டத்தரணிகளான ஷிராஸ் நூர்தீன் மற்றும் மைத்திரி குணரத்ன மற்றும் மஞ்சுல பதிராஜ, அஞ்சுல பெனடிக், சுகந்தி ஸ்ரீ வர்தன, நுஸ்ரா ஸரூக் உள்ளிட்ட குழுவினர் ஆஜரானமை குறிப்பிடத்தக்கதாகும்.

-ஊடகப் பிரிவு

தவ்ஹீத் ஜமாஅத்

தவ்ஹீத் ஜமாத் செயலாளர் தொடர்பில் பொய்யான செய்தி வெளியிட்ட “சத்ஹண்ட “சிங்ஹல பத்திரிக்கைக்கு எதிராக “பத்திரிக்கை முறைப்பாட்டு ஆனைக்குழுவில்” முறையிட்டது தவ்ஹீத் ஜமாஅத்

கடந்த 04.12.2016 ஞாயிறு “சத்ஹன்ட” சிங்களப் பத்திரிகையில் சுபாஷ் ஜயவர்தன என்பவரால் “தவ்ஹீத் ஜமாஅத்தும் பொதுபல சேனாவும் ஒரே சம்பளப் பட்டியலில்” எனும் தலைப்பிட்டு முற்றிலும் உண்மைக்கு மாற்றமான, அவதூறை செய்தியாக வெளியிட்டமைக்கு எதிராக “பத்திரிக்கை முறைப்பாட்டு ஆணைக்குழுவில்” தவ்ஹீத் ஜமாஅத் சார்பில் இன்று முறைபாடு பதிவு செய்யப்பட்டது.
 
தவ்ஹீத் ஜமாஅத்தின் துணை செயலாளர் சகோ. ரஸ்மின் சட்டத்தரணியூடாக குறித்த முறைபாட்டை பதிவு செய்தார்.
 
சத்ஹன்ட பத்திரிக்கை வெளியிட்டிருந்த குறித்த அவதூறு செய்தியில், முன்னால் அரசாங்கத்தின் பாதுகாப்புச் செயலாளராக பதவி வகித்த கோதாபாய ராஜபக்சவினால் போஷிக்கப்பட்ட அடிப்படைவாத இரு அமைப்பினரே தவ்ஹீத் ஜமாஅத்தும் பொதுபல சேனா அமைப்பினரும் ஆவர். இதில் தவ்ஹீத் ஜமாஅத்தின் செயலாளர் அப்துர் ராஸிக் அவர்கள் இராணுவ புலனாய்வுத் துறைக்கு சம்பளத்திற்கு ஊதியம் புரிந்த உளவாளி ஆவார் என்று புலனாய்வுத் துறையினரூடாக ஜனாதிபதி செயலாளர் காரியாலயத்திற்கு தகவல் கிடைத்துள்ளதாகவும், 2008 ஆம் ஆண்டு மருதானையிலுள்ள ஒரு பள்ளிவாசலுக்குள் வெளிநாட்டைச் சேர்ந்த முல்லாக்கள் இருப்பதாக தகவல் வெளியிட்டவர் இந்த அப்துர் ராஸிக் என்பவர் தான் என்றும் குறிப்பிடப்பட்டுள்ளது.
 
சத்ஹன்ட பத்திரிகையில் பிரசுரிக்கப்பட்ட மேற்படி தகவலை ஸ்ரீலங்கா தவ்ஹீத் ஜமாஅத் முற்று முழுதாக மறுப்பதோடு, பொது பலசேனா எனும் இனவாத அமைப்புடனும், கோதாபாய ராஜபக்சவுடனும் தவ்ஹீத் ஜமாஅத்தை தொடர்பு படுத்தி செய்தி வெளியிடுவதனையும் வண்மையாக கண்டிக்கின்றது.
 
ஸ்ரீலங்கா தவ்ஹீத் ஜமாஅத்தின் தலைமை நிர்வாகத்தில் பணியாற்றும் எந்தவொரு நிர்வாகியும் எந்தவொரு கட்டத்திலும் எந்தவொரு அரசியல் வாதிக்கும் முதுகு சொறிந்து ஊதியம் பெறும் ஈனச் செயலில் ஈடுபட்டதில்லை என்பதனை இங்கு அழுத்தமாக பதிவு செய்வதோடு, யாருடைய அரசியல் நிகழ்ச்சி நிரலுக்காகவும் செயற்படுகின்ற வங்குரோத்து நிலை தவ்ஹீத் ஜமாஅத்திற்கு கிடையாது என்பதோடு, அரசியல் சாக்கடையில் சங்கமிக்கக் கூடாது என்பதனை அமைப்பின் யாப்பு விதியாகக் கொண்டு ஆன்மீக, சமுதாயப் பணிகளை மேற்கொள்ளக் கூடிய அமைப்பே தவ்ஹீத் ஜமாஅத் என்பதனையும் இங்கு குறிப்பிட விரும்புகின்றோம்.
 
தத்தமது அரசியல் சுயலாபங்களுக்காக கோதாபாயவுடன் தவ்ஹீத் ஜமாஅத்தை முடிச்சுப் போட்டு தேசத்துரோகி போன்றும், முஸ்லிம் சமூகத்தை காட்டிக் கொடுக்கும் சமூக விரோதி போன்றும் ஒரு மாய தோற்றத்தினை ஏற்படுத்தி மக்கள் மத்தியில் தவ்ஹீத் ஜமாஅத்துக்கு அபகீர்த்தியை உண்டாக்கி செல்லாக் காசாக மாற்ற முயலும் அரசியல் காய்நகர்த்தலாகவே இவ்வறிக்கை அமைந்துள்ளது.
 
பொறுப்பு வாய்ந்த ஒரு பத்திரிகை, கிடைக்கப் பெறும் செய்தியினை உறுதிப்படுத்தாது ஒருபக்க ஊதுகுழலாய் இருந்து செய்தி வெளியிடுவதானது ஊடக தர்மத்தினை குழிதோண்டி புதைப்பது போன்றதாகும் என்பதனையும் இங்கு சுட்டிக்காட்டுவதுடன், அரசியல் லாபங்களுக்காக இது போன்ற அவதூறுகளை சமூகமயப் படுத்துவதனையும் முற்றாக தவிர்ந்து கொள்ளுமாறும் சத்ஹன்ட பத்திரிகைக்கு அறிவுரை கூறிக்கொள்கின்றது தவ்ஹீத் ஜமாஅத்.
 
அதே சமயம், “உளவாளி” எனும் குற்றச் சாட்டை தக்க சான்றுகளுடன் நிரூபித்துவிட்டு அரச தரப்பு அமைச்சர்கள் ஊடகங்கள் முன்னிலையில் அறிக்கை விடுமாறும் சம்பந்தப்பட்டவர்களிடம் தவ்ஹீத் ஜமாஅத் கோரிக்கை வைத்துக் கொள்கிறது.
 
இவன்,
M.F.M ரஸ்மின் MISc
துணை செயலாளர்,
தவ்ஹீத் ஜமாஅத் – SLTJ

தீவிரவாத எதிர்ப்புப் பிரச்சாரம் – போஸ்டர் மாதிரிகள்

தீவிரவாதத்திற்கு எதிராக முஸ்லிம்கள் நடத்தும் 50 நாள் தீவிர பிரச்சாரம் தொடர்பில் பொது மக்களுக்கு தெளிவூட்டும் விதமாக ஒட்டப்பட வேண்டிய போஸ்டர்களின் மாதிரிகள் கீழே இணைக்கப்பட்டுள்ளது.

இதன் PDF வடிவம் மாவட்டங்களுக்கு மின்னஞ்சல் வழியாக அனுப்பப் பட்டுள்ளது.

poster-1-english

poster-1-sinhala