துண்டுப் பிரசுரங்கள்

வாழ்வுரிமை மாநாடு தொடர்பில் நாடு முழுவதும் ஒட்டப்பட வேண்டிய போஸ்டர் – மாதிரி

முஸ்லிம்களின் வாழ்வுரிமை மாநாடு தொடர்பில் நாடு முழுவதும் ஒட்டப்பட வேண்டிய போஸ்டர் மாதிரி கீழே PDF வடிவத்தில் இணைக்கப்பட்டுள்ளது. அனைத்துக் கிளை, மாவட்டங்கள் சார்பில் போஸ்டர் பிரச்சாரத்தை மேற்கொள்ளுமாறு தவ்ஹீத் ஜமாஅத் தலைமையகம் வேண்டிக் கொள்கிறது.

போஸ்டர் PDF வடிவத்தில் டவுன்லோட் செய்து கொள்ள கீழுள்ள லிங்கை பயன்படுத்தவும்.

Download PDF

 

unnamed

முஸ்லிம்களின் வாழ்வுரிமை மாநாடு தொடர்பிலான துண்டுப் பிரசுரங்கள் குவைத்தில் விநியோகம்

குவைத்தில் நடைபெறவுள்ள “கொழும்பில் முஸ்லிம்களின் வாழ்வுரிமை மாநாடு ஏன்?” என்ற தலைப்பிலான நிகழ்ச்சி தொடர்பான துண்டுப் பிரசுரங்கள் குவைத்தின் அனைத்துப் பகுதிகளிலும் விநியோகம் செய்யப்பட்டது.

கொழும்பில் – தவ்ஹீத் ஜமாஅத் நடத்தவுள்ள முஸ்லிம்களின் வாழ்வுரிமை மாநாடு தொடர்பில் குவைத் வாழ் இலங்கை சகோதரர்களுக்கும் தெளிவூட்டும் விதமாக எதிர்வரும் 10.11.2017 வெள்ளிக் கிழமை அன்று இந்நிகழ்ச்சி குவைத் தஸ்மா டீச்சர்ஸ் சொஸைட்டி மண்டபத்தில் நடைபெறவுள்ளது.

இந்நிகழ்ச்சியில் ஸ்ரீ லங்கா தவ்ஹீத் ஜமாஅத்தின் தலைவர் சகோ. ரஸ்மின் MISc அவர்கள் கலந்து சிறப்புரையாற்றவுள்ளார்கள். Read More

SLTJ மாளிகாவத்தை கிளையினால் டெங்கு விழிப்புணர்வு போஸ்டா் & கட்டவுட்கள்

ஸ்ரீ லங்கா தவ்ஹீத் ஜமாஅத் மாளிகாவத்தை கிளையினால் 03.08.2017  அன்று டெங்கு விழிப்புணர்வு  போஸ்டா் மற்றும்  கட்டவுட்கள் மாளிகாவத்தையிலும் அதனை சூழவுள்ள பகுதிகளிலும் வைக்கப்பட்டது, அல்ஹம்துலில்லாஹ். Read More

சமுதாய சீர்கேட்டை உண்டாக்கும் மதுபான உற்பத்தி ஆலைக்கு எதிரான மாபெரும் ஆர்பாட்டத்தில் அனைவரும் பங்கெடுப்போம்.

மட்டக்களப்பு மாவட்டம், கல்குடா பகுதியில் WM MENDIS & COMPANY என்ற மதுபான உற்பத்தி நிறுவனம் பாரிய மதுபானஆலை ஒன்றை நிர்மாணிக்கும் பணிகளை முன்னெடுத்து வருவது நாம் அறிந்ததே!

பல் சமுதாயங்கள் ஒன்றிணைந்து வாழும் மட்டக்களப்பு மாவட்டத்தில் மதுப் பாவனையின் மூலம் நாளுக்கு நாள் சமுதாயசீர்கேடுகளும், சமூக பிரச்சினைகளும், குடும்பங்களுக்கு இடையிலான சிக்கள்களும் அதிகரித்துள்ள இந்நிலையில் தற்போதுமதுபான உற்பத்தி ஆலை ஒன்றையே நிர்மாணிக்கும் பணியை அரச அனுமதியுடன் WM MENDIS & COMPANY முன்னெடுத்துவருகிறது. இந்த மதுபான ஆலை நிர்மாணப் பணிகளை உடனடியாக தடை செய்து உத்தரவிடக் கோரி பலரும் அரசாங்கத்திடம் பலவழிகளிலும் கோரிக்கையை முன்வைத்து வருகிறார்கள். இருப்பினும் குறித்த மதுபான ஆலை நிர்மாணப் பணிகளைநிறுத்துவதற்கு அரசு எவ்வித முன்னெடுப்புகளையும் இதுவரை செய்யவில்லை.

மாறாக, மதுபான ஆலையின் நிர்மாணப் பணி நடைபெறும் கிழக்கு மாகாண சபையிலோ, அல்லது சம்பந்தப்பட்ட பிரதேசசபையிலோ எவ்வித அனுமதியும் குறித்த நிறுவனத்திற்காக வழங்கப்படாத போதும், மத்திய அரசாங்கத்தின் நேரடி அனுமதியுடன்மதுபான ஆலையின் பணிகள் தற்போது முன்னெடுக்கப்பட்டு வருகின்றன.

மட்டக்களப்பு மாவட்டம் கல்வித் துறையிலும், வேலை வாய்ப்புகளை பெற்றுக் கொள்வதிலும் பின்னடைவில் காணப்படும்மாவட்டங்களில் ஒன்றாக இருக்கும் நிலையில் இம்மாவட்டத்தில் கல்வி, வேலைவாய்ப்புகளுக்கான உரிய முறையான எவ்விதமுன்னெடுப்புகளையும் மத்திய அரசு செய்யாமல் சமுதாயத்தில் பாரிய சீரழிவை உண்டாக்கும் மதுப் பாவனையை ஊக்குவிக்கும்விதமாக மதுபான ஆலைக்கு அனுமதியளிப்பதை ஏற்றுக் கொள்ள முடியாது.

WM MENDIS & COMPANYயின் மூலம் சுமார் 250 நபர்களுக்கு வேலைவாய்ப்பு கிடைக்கும் என்றொரு சமாதானத்தைசம்பந்தப்பட்டவர்கள் ஊடகங்களின் மூலம் முன்வைத்து வருகிறார்கள். 250 நபர்களின் தொழில்வாய்ப்புக்காக இலட்சக்கணக்கான குடும்பங்களின் சீர்கேட்டையும், சிக்கள்களையும் உண்டாக்கும் இக்காரியத்திற்கு ஒருபோதும்அனுமதியளிக்க முடியாது.

மாவட்டத்தில் வேலைவாய்ப்புகளை உண்டாக்குவது தான் அரசாங்கத்தின் நோக்கம் என்றால், வாழைச் சேனை காகித ஆலையைநவீன மயப்படுத்தலாமே? அதன் மூலம் பல குடும்ப உறுப்பினர்களுக்கு வேலைவாய்பை உண்டாக்கிக் கொடுக்கலாமே? மக்களுக்குபயனளிக்கக் கூடிய தொழிற்சாலைகளை உண்டாக்கலாமே?

450 கோடியில் மதுபான ஆலையை நிறுவுவதற்கு அனுமதியளித்த மத்திய அரசாங்கம், இதனை தவிர்த்து புதிய பல்கலைக்கழகங்களை மாவட்டத்தில் அதிகப்படுத்தலாமே? பாடசாலைகளை நவீனப்படுத்தி கல்விக்கு முன்னுரிமை வழங்கலாமே? மாவட்டத்தில் மக்களுக்கு செய்வதற்கு எத்தனையோ நல்ல காரியங்கள் இருக்கும் நிலையில் மத்திய அரசு அவசர அவசரமாகமதுபான ஆலை அமைப்பதற்கு அனுமதியளித்தது ஏன்?

வெறும் 250 நபர்களுக்கு வேலைவாய்ப்பு கிடைக்கும் என்பதற்காக ஒரு சமுதாயத்தையே அழித்து குடிகாரர்களாகமாற்றும் மதுபான தொழிற்சாலையை அமைப்பதை விட கடற்றொழில் பிரதேசமாக இருக்கும் கிழக்கு மாகாணபகுதியில் கடற்றொழிழை மேம்படுத்தும் நடவடிக்கைகளை மேற்கொண்டு அதன் மூலம் ஆயிரக்கணக்கானவர்களுக்குவேலைவாய்ப்புகளை ஏற்படுத்திக் கொடுக்க அரசு ஏன் முன்வரவில்லை?

வேலைவாய்புகளை உருவாக்கவும், செயல்படுத்தவும் இவ்வளவு சந்தர்பங்கள் இருந்தும் இவையெல்லாம் விடுத்துமதுபான ஆலையை உருவாக்குவதில் நல்லாட்சி அரசுக்கு ஏன் இவ்வளவு அக்கறை?

சட்டப்பிரகாரம் மட்டக்களப்பு மாவட்டத்தில் சுமார் 20 மதுபான சாலைகளே இருக்க முடியும். கடந்த 2009ம் ஆண்டு 47 மதுபான சாலைகள் இம்மாவட்டத்தில் காணப்பட்டன தற்போது 58 மதுபான சாலைகள் இருக்கின்றன. இந்நிலையில்தான் WM MENDIS & COMPANY சார்பில் மதுபான தொழிற்சாலையே இப்பகுதியில் நிர்மானிக்கப்படுகின்றது.

ஒரு நாட்டை வழி நடத்தும் நல்ல தலைவர்கள் இளைஞர்களை சீரழிக்கும் இது போன்ற திட்டங்களுக்கு எந்நிலையிலும்அனுமதியளிக்க மாட்டார்கள். ஆனால் இலங்கையை ஆட்சி செய்த, தற்போது ஆட்சி செய்து வருகிற அரசாங்கம்ஆகியவை காலத்திற்கு காலம் இளைஞர்களை சீரழிக்கும் இதுபோன்ற செயல்பாடுகளுக்கு வழியேற்படுத்தியேவருகிறது.

கடந்த பெப்ரவரி 01ம் தேதி (2017) கிழக்கு மாகாண சபை சார்பில் “போதையற்ற கிழக்கு” எனும் தொனிப்பொருளில்வேலைத் திட்டம் ஒன்று ஜனாதிபதி மைத்திரிபால சிரிசேனவினால் ஆரம்பித்து வைக்கப்பட்டது. இதில் சுமார் 3000க்கும்அதிகமான இளைஞர்கள் கலந்து கொண்டதாக செய்திகள் தெரிவித்தன.

“போதையற்ற கிழக்கு” திட்டத்தை ஆரம்பித்த ஜனாதிபதி தலைமையிலான நல்லாட்சி (?) அரசாங்கம் தான் தற்போது WM MENDIS & COMPANYயின் மதுபான தொழிற்சாலைக்கும் பூரண அனுமதி கொடுத்ததுடன் அதற்குறிய பூரண வரிவிலக்கையும் வழங்கியுள்ளது.

“போதையற்ற கிழக்கு” என்ற போர்வையில் வேலைத்திட்டத்தை ஆரம்பித்து மக்களை ஒரு பக்கம் ஏமாற்றுவதும், அதேநேரத்தில் மதுபான தொழிற்சாலை அனுமதியளித்து பரிபூரண வரி விலக்கு கொடுப்பதும் மக்களை ஏமாற்றும்  உச்சகட்டசெயல்பாடாகும்.

கடந்த 2013ம் ஆண்டு உலக சுகாதார ஸ்தாபனத்தின் புகைத்தல் எதிர்ப்புக்கான 2013 ஆம் ஆண்டுக்கான உலகளாவியவிருதுக்கு அப்போதைய சுகாதார அமைச்சராக இருந்த தற்போதைய ஜனாதிபதி மைத்திரிபால சிறிசேன தெரிவுசெய்யப்பட்டு 09.03.2013 ம் தேதி கொழும்பு பண்டாரநாயக்க சர்வதேச மாநாட்டு மண்டபத்தில் விருது வழங்கிகவுரவிக்கப்பட்டார்.

அமைச்சராக இருந்தபோது போதைக்கு எதிராக, புகைத்தலுக்கு எதிராக செயல்பட்டு உலக சுகாதார ஸ்தாபனத்தின்சர்வதேச விருதை பெற்றுக் கொண்டவர் தான் ஜனாதிபதியாக மாறிய பின்னர் மதுபான தொழிற்சாலைகளுக்குஅனுமதியளித்து வருகிறார்.

மட்டக்களப்பு மாவட்டத்தில் மாத்திரம் மது மற்றும் புகைத்தலுக்காக பொதுமக்களால் ஒரு மாதத்திற்கு சராசரியாக 41 கோடியே 36 இலட்சத்து 99 ஆயிரத்து 680 ரூபாய்கள் செலவிடப்படுவதாக கணக்கிடப்பட்டுள்ளது.

நாட்டின் ஒரு மாவட்டத்தின் நிலை இதுவென்றால் அனைத்து மாவட்டங்களையும் கணக்கிலெடுத்தால் ஒரு நாளைக்குமது மற்றும் புகைத்தலினால் எவ்வளவு இலாபத்தை அரசு ஈட்டுகிறது என்பதையும், எத்தனை குடும்பங்கள் நாசமாகிறதுஎன்பதையும் நாம் புரிந்து கொள்வது கடினமானதல்ல.

இலங்கையின் அதிகூடிய மதுபான நுகர்வு குடிப்பழக்கத்தில் முதல் மாவட்டமாக நுவரெலியா மாவட்டமும், இரண்டாமிடத்தில் யாழ்பாண மாவட்டமும் நாட்டில் மூன்றாவது இடத்தில் மட்டக்களப்பு மாவட்டமும் காணப்படுகிறது. இந்நிலையில் இன்னுமொரு மதுபான தொழிற்சாலையும் அமைக்கப்பட்டால் மட்டக்களப்பு மாவட்டம் மட்டுமல்லஇலங்கையின் நிலை எப்படியிருக்கும்?

ஆகவே, மட்டக்களப்பு மாவட்டத்தில் அமைக்கப்பட்டு வரும் மதுபான தொழிற்சாலை நிர்மாணப் பணிகள் உடனடியாகநிறுத்தப்பட்டு, மதுபான உற்பத்தி தொழிற்சாலை அமைப்பதற்கு மத்திய அரசாங்கம் வழங்கிய அனுமதியும் உடனடியாக ரத்துசெய்யப்பட வேண்டும். என்ற கோரிக்கையை வலியுறுத்தி எதிர்வரும் வெள்ளிக்கிழமை பி.ப. 01.00 மணிக்கு (ஜ{ம்மா தொழுகையைதொடர்ந்து) சிரீ லங்கா தவ்ஹீத் ஜமாஅத் – மட்டக்களப்பு மாவட்டம் சார்பில் ஓட்டமாவடி பிரதான வீதியில் மாபெரும் கண்டனஆர்ப்பாட்டம் ஒன்று நடைபெறவுள்ளது.

கலாசார குடும்ப சீரழிவை உண்டாக்கி, சமுதாயத்தை கெடுக்கும் கல்குடா – மதுபான உற்பத்தி தொழிற்சாலையின் நிர்மாணப்பணிகளை உடன் நிறுத்தக் கோரி நடத்தப்படும் மாபெரும் ஆர்பாட்டத்தில் பிரதேச வாழ் மக்கள் அனைவரும் கலந்து கொண்டுஎதிர்ப்பை வெளிக்காட்டுவதின் மூலம் மதுவற்ற மாவட்டமாக மட்டக்களப்பு மாற ஒத்துழைக்குமாறு அன்பாய் வேண்டிக்கொள்கிறோம்.

புத்தளம் நகர் முழுவதும் தீவிரவாதத்திற்கு எதிரான நோட்டிஸ் விநியோகம் – புலுதிவயல் கிளை

“தீவிரவாதத்திற்கு எதிராக முஸ்லிம்களின் தீவிர பிரச்சாரம்” என்ற கருப்பொருளில் ஸ்ரீ லங்கா தவ்ஹீத் ஜமாஅத் நடத்தும் பிரச்சாரத்தின் ஒரு அங்கமாக தவ்ஹீத் ஜமாஅத்தின் புலுதிவயல் கிளை சார்பாக விழிப்புணர்வு துண்டுப் பிரசுரம் இன்று (24.12.2016) புத்தளம் சந்தை, கடைத்தொகுதி, பஸ் தரிப்பு நிலையம், கடற்கரை மற்றும் மக்கள் ஒன்றுகூடும் பல இடங்களில்  விநியோகிக்கப்பட்டது. – அல்ஹம்துலில்லாஹ்!

20161224_170952_resized

20161224_174211_resized

20161224_180449_resized

20161224_180523_resized

20161224_180615_resized

20161224_180832_resized

20161224_180938_resized

20161224_181154_resized

20161224_181419_resized

20161224_181615_resized

20161224_182811_resized

ஆர்பாட்டம் தொடர்பில் விநியோகம் செய்யப்பட வேண்டிய துண்டுப் பிரசுரம் – PDF

எதிர்வரும் 03.11.2016 (வியாழக்கிழமை) அன்று ஸ்ரீ லங்கா தவ்ஹீத் ஜமாஅத் சார்பில் – GSP+ வரிச் சலுகைக்காக முஸ்லிம் தனியார் சட்டத்தில் கை வைக்கும் அரசை கண்டித்து மாபெரும் பேரணி மற்றும் ஆர்ப்பாட்டம் நடைபெறவுள்ளது. இவ்வார்ப்பாட்டம் பற்றி விநியோகம் செய்ய வேண்டிய நோட்டிஸ் மாதிரி – தமிழ், சிங்களம் – இணைக்கப்பட்டுள்ளது.

கிளைகள் இவற்றை பிரின்ட் செய்து மக்கள் மத்தியில் வீடு வீடாக சென்று விநியோகம் செய்யுமாறு வேண்டிக் கொள்கிறோம்.

தமிழ் 

சிங்களம்

மருதமுனை கிளையினால் கூட்டுக் குர்பானி நோட்டிஸ் விநியோகம்

கூட்டு கூர்பானி தொடர்பாக மக்களுக்கு தெளிவுபடுத்தும் துண்டுப்பிரசுரம் மருதமுனை கிளையில் 02/09/2016 ஜும்மாவுக்குப்பின் வினியோகம் செய்யப்பபட்டது.

20160902_131957

20160902_132000

குர்பானியின் சட்டங்கள் – கிளைகள் வெளியிட வேண்டிய துண்டுப் பிரசுரம்

குர்பானி தொடர்பான துண்டுப் பிரசுரம் வெளியிடும் போது, வெளியிடும் கிளை, பங்கின் விலை மற்றும் தொடர்பு கொள்ள வேண்டிய தொலை பேசி இலக்கம் ஆகியவற்றை துண்டுப் பிரசுரத்தின் இறுதியில் இணைத்துக் கொள்ளவும்.

============================================

நபி வழியில் கூட்டுக் குர்பானி – நீங்களும் இணைந்து கொள்ளுங்கள்

யார்மீது கடமை?

இவ்வளவு பணம் இருந்தால்தான் குர்பானி கடமை என்று திருக்குர்ஆனிலே அல்லது நபிமொழிகளிலோ இடம் பெறவில்லை. சிலர் யாருக்கு ஜகாத் கடமையோ அவர்கள்தான் குர்பானி கொடுக்கவேண்டும் என்று கூறுகின்றனர். இதற்கு எந்த ஆதாரமும் இல்லை.

பொதுவாக ஒரு கடமையை செய்ய வலியுறுத்தப்பட்டால் அதை செய்ய வசதியுள்ளவர்கள் நிறைவேற்றவேண்டும் என்று புரிந்து கொள்ளவேண்டும். எனவே குர்பானி கொடுப்பதற்கு அந்த நாட்களில் வசதியுள்ள அனைவரும் நிறைவேற்றவேண்டும்.

கடன் வாங்கி குர்பானி

கடன் வாங்கியாவது குர்பானி கொடுக்க வேண்டும் என்று பலர் நினைக்கின்றார்கள். பல சிரமங்களுக்கு மத்தியில் இதை நிறைவேற்றுவதற்காக மிகவும் சிரமப்படுகிறார்கள். இதற்கு சான்றாக கடன் வாங்கி கொடுக்க வேண்டும் என்று கூறக்கூடிய பைஹகீயில் இடம் பெறும் செய்தி ஆதரமற்றதாகும்.

எனவே வசதியற்றவர்கள் கடன்பட்டு குர்பானி கொடுக்கத் தேவையில்லை. வசதியில்லாததால் குர்பானி கொடுக்காதவரை அல்லாஹ் எந்த கேள்வியும் இது தொடர்பாக கேட்கமாட்டான்.

குர்பானி கொடுப்பவர் பேண வேண்டியவை

குர்பானி கொடுக்க நாடியவர் துல்ஹஜ்ஜு மாதம் பிறை ஒன்று முதல் குர்பானி கொடுக்கும் வரை நகம், முடி இவற்றில் எதையும் வெட்டக் கூடாது. 

“நீங்கள் குர்பானி கொடுப்பவராக இருந்து துல்ஹஜ்ஜு பிறையைக் கண்டால் குர்பானி கொடுக்கும் வரை தனது முடியை, நகத்தை வெட்ட வேண்டாம்” என்று நபி(ஸல்) அவர்கள் கூறினார்கள்.

அறிவிப்பவர்: உம்மு ஸலமா(ரலி), நூற்கள்: முஸ்லிம் (3999), நஸயீ (4285)

பிராணிகளின் தன்மைகள்

குர்பானி பிராணிகள் நல்ல திடகாத்திரமானதாகவும், ஆரோக்கியமானதாகவும் இருக்க வேண்டும். பொதுவாக எந்தக் குறையும் இல்லாததாக இருக்க வேண்டும்.

தெளிவாகத் தெரியும் நொண்டி, தெளிவாகத் தெரியும் கண்பார்வைக் குறை, தெளிவாகத் தெரியும் நோய், எலும்பில் மஜ்ஜை இல்லாத மெலிவு ஆகிய குறைபாடுகளுடையவற்றைக் குர்பானி கொடுப்பது கூடாது என்று நபி(ஸல்) அவர்கள் கூறினார்கள்.

நூற்கள்: திர்மிதீ(1417), அபூதாவூத்(2420), நஸயீ(4294) , இப்னுமாஜா (3135),அஹ்மத் (17777)

நபி (ஸல்) அவர்கள் உட்பகுதியில்  பாதி கொம்பு உடைந்த ஆடு குர்பானி கொடுக்கப்படுவதை தடுத்தார்கள்.

அறிவிப்பாளர் : அலீ (ரலி), நூல் : நஸயீ (4301)

தலையின் உட்பகுதியில் பாதியளவு கொம்பு உடைந்த ஆட்டிற்கு அல்பா என்று சொல்லப்படும்.இவ்வகை பிராணியை குர்பானி கொடுக்க நபி (ஸல்) அவர்கள் தடை செய்துள்ளார்கள்.வெளிப்பகுதியில் கொம்பு உடைந்திருந்தால் அதை குர்பானி கொடுப்பதில் தவறில்லை.

பிராணியின் வயது

“இன்றைய நாளில் நாம் முதலாவது செய்வது தொழுகையாகும். பிறகு நாம் (வீட்டிற்குச்) சென்று குர்பானி கொடுப்போம். யார் இப்படி நடந்து கொள்வாரோ அவர் நமது வழியில் நடந்து கொண்டார். யார் (தொழுவதற்கு முன்) அறுத்தாரோ அவர் தன் குடும்பத்திற்காக மாமிசத்தை முற்படுத்திக் கொண்டார். அவருக்கு குர்பானியில் (நன்மை) எதுவும் கிடையாது என்று நபி(ஸல்) அவர்கள் கூறினார்கள். அப்பொழுது அபூபுர்தா இப்னு நியார்(ரலி) அவர்கள் (தொழுமுன்) அறுத்து விட்டார். அவர் (நபி(ஸல்) அவர்களிடத்தில்) என்னிடத்தில் முஸின்னாவை விட ஆறுமாத குட்டி உள்ளது. (அதை குர்பானி கொடுக்கலாமா?) என்றார். அதை முன் அறுத்ததற்கு இதை பகரமாக்குவீராக! எனினும் உமக்குப் பிறகு வேறு எவருக்கும் இது (குர்பானி கொடுக்க) அனுமதி யில்லை என்று நபி(ஸல்) அவர்கள் கூறினார்கள்.

அறிவிப்பவர் : பரா(ரலி), நூற்கள் : புகாரி(5560), முஸ்லிம்

பிராணியின் வயது தொடர்பாக வரக்கூடிய இந்தசெய்தியை வைத்துக் கொண்டு குர்பானி பிராணியின் வயதை முடிவு செய்யலாம்.

முஸின்னா வைத்தான் குர்பானி கொடுக்கவேண்டும் என்று நபி (ஸல்) அவர்கள் கூறியுள்ளார்கள். முஸின்னா என்ற வார்த்தையின் பொருள் :  ஆடு, மாடு , ஒட்டகத்தில் பல் விழுந்தவைக்கு சொல்லப்படும். சில நாட்டின் தட்ப வெட்ப நிலைக்கு ஏற்ப பிராணிகளின் நிலைகள் மாறுபாடு ஏற்படுகின்றது. இதன் காரணத்தால்தான் வயது விசயத்தில் அறிஞர்களிடம் கருத்து வேறுபாடு ஏற்பட்டுள்ளது.

முஸின்னா என்பது ஆட்டிலும் மாட்டிலும்  இரண்டு வருடம் பூர்த்தியடைந்திருக்கவேண்டும். ஒட்டகத்தில் ஐந்து வருடம் பூர்த்தியடைந்திருக்க வேண்டும் என்று பிரபலியமான அகராதி நூலான லிஸானுல் அரப் என்ற நூலில் இடம் பெற்றுள்ளது.

இதற்கு மாற்றமாக ஆட்டில் ஒரு வருடம் பூர்த்தியடைந்திருந்தால் போதும் என்றும் கூறப்பட்டுள்ளது. எனவே பல் விழுந்துள்ளதா என்பதை கவனித்து வாங்கினால் சரியானதாக அமையும்.

கூட்டுக் குர்பானி

ஒட்டகம், மாடு இவற்றில் ஏழு நபர்கள் சேர்ந்து குர்பானி கொடுக்கலாம். அதாவது ஏழு குடும்பங்கள் சேர்ந்து ஒரு ஒட்டகம் அல்லது மாடு வாங்கி ஏழு குடும்பங்கள் சார்பாக குர்பானி கொடுக்கலாம். ஆடு வாங்கி குர்பானி கொடுக்க முடியாதவர்கள் இந்த வகையில் சேர்ந்து கூட்டுக் குர்பானி கொடுத்து குர்பானி கொடுத்த நன்மையை அடையலாம்.

அல்லாஹ்வின் தூதர் (ஸல்) அவர்களுடன் நாங்கள் ஹஜ் மற்றும் உமராவில் ஒர் ஒட்டகத்தில் ஏழு பேர் வீதம் கூட்டுசேர்ந்தோம்.

அறிவிப்பவர்: ஜாபிர்(ரலி), நூற்கள்: முஸ்லிம்(2540)

நாங்கள் நபி (ஸல்) அவர்களுடன் ஒரு பிரயாணத்தில் இருந்தபோது ஹஜ்ஜ‏ýப் பெருநாள் வந்தது. ஒரு மாட்டில் ஏழு பேர் வீதமும் ஒரு ஒட்டகத்தில் 10 பேர் வீதமும் நாங்கள் கூட்டுசேர்ந்தோம்.

அறிவிப்பவர் : இப்னு அப்பாஸ் (ரலி),நூல்கள் : திர்மிதி (1421), நஸயீ (4316),இப்னு மாஜா (3122)

மேல் கூறப்பட்டுள்ள ஹதீஸ்கள் மாடு அல்லது ஒட்டகத்தில் ஏழு பேர் கூட்டு சேரலாம் என்று தெரிவிக்கின்றது. ஒரு ஒட்டகத்தில் 10 பேர் கூட்டு சேருவதற்கும் ஆதாரமாக உள்ளது. ஒட்டகம், மாட்டில் மட்டும் தான் பலர் சேர்ந்து குர்பானி கொடுக்கலாம். ஆட்டில் ஒரு குடும்பம் மட்டுமே கொடுக்க வேண்டும்.

அறுக்கும் முன் கவனிக்க வேண்டியவை

பிராணியை அறுக்கும் முன் கத்தியைக் கூர்மையாக வைத்துக் கொள்ள வேண்டும். கூர்மையற்ற கத்தியினால் பிராணியை அறுத்து சித்திரவதை செய்யக் கூடாது.

“எல்லாப் பொருட்களின் மீதும் நல்ல முறையில் நடந்து கொள்வதை அல்லாஹ் கடமையாக்கியுள்ளான். நீங்கள் (கிஸாஸ் பழிக்குப் பழி வாங்கும் போது) கொலை செய்தால் அழகிய முறையில் கொலை செய்யுங்கள். நீங்கள் பிராணிகளை அறுத்தால் அழகிய முறையில் அறுங்கள். உங்கள் கத்தியை நீங்கள் கூர்மையாக்கிக் கொள்ளுங்கள்! (விரைவாக) அறுப்பதன் மூலம் அதற்கு நிம்மதியைக் கொடுங்கள் என்று நபி(ஸல்) அவர்கள் கூறினார்கள்.

அறிவிப்பவர்: ஷிதாத் இப்னு அவ்ஸ்(ரலி)

நூற்கள்: முஸ்லிம் (3955),  திர்மிதி(1329) நஸயீ(4329), அபூதாவூத் (2432) இப்னுமாஜா (3161), அஹ்மது(16490)

குர்பானி கொடுக்கும் போது கூற வேண்டியவை

அறுக்கும் போது “பிஸ்மில்லாஹி வல்லாஹு அக்பர்” (அல்லாஹ்வின் பெயரால் அறுக்கிறேன், அல்லாஹ் பெரியவன்) என்று கூற வேண்டும்.

“நபி(ஸல்) அவர்கள் கருப்பும், வெள்ளையும் கலந்த இரண்டு கொம்புள்ள ஆடுகளை குர்பானி கொடுத்தார்கள். அதைத் தன் கையால் அறுத்தார்கள். அப்போது பிஸ்மில்லாஹ்வும், தக்பீரும் கூறினார்கள்.

அறிவிப்பவர்: அனஸ்(ரலி), நூற்கள்: புகாரி(5565), முஸ்லிம் (3976)

முஸ்லிமின் மற்றொரு அறிவிப்பில் “பிஸ்மில்லாஹி வல்லாஹு அக்பர்” என்ற கூறியதாக தெளிவாகக் கூறப்பட்டுள்ளது.

பெண்கள் அறுக்கலாமா?

பெண்கள் அறுப்பதற்கு எவ்வித தடையும் ஹதீஸ்களில் இல்லை. மேலும் நபி(ஸல்) அவர்கள், ஒரு பெண் அறுத்ததை அங்கீகரித்துள்ளார்கள்.

ஒரு பெண்மணி (கூர்மையான) கல்லால் ஆட்டை அறுத்து விட்டார். இது பற்றி நபி(ஸல்) அவர்களிடம் கேட்கப்பட்டபோது அதை சாப்பிடும்படி கட்டளையிட்டார்கள்.

அறிவிப்பவர்: கஅபு இப்னு மாலிக்(ரலி),நூல்: புகாரி(5504)

எத்தனை நாட்கள் கொடுக்கலாம்?

ஹஜ்ஜுப் பெருநாள் அன்றும், அதற்குப் பிறகுள்ள மூன்று நாட்கள் வரை குர்பானி கொடுக்கலாம்.

“தஷ்ரீகுடைய நாட்கள் (துல்ஹஜ் 11, 12, 13) அனைத்தும் அறுப்பதற்குரியதாகும் என்று நபி(ஸல்) அவர்கள் கூறினார்கள்.

அறிவிப்பவர்: ஜுபைர் இப்னு முத்இம்(ரலி), நூல் : தாரகுத்னீ (பாகம் : 4,பக்கம் : 284)

பங்கிடுதல்

குர்பானி கொடுத்த பிராணியின் மாமிசத்தை மூன்று பங்கு வைத்து ஒரு பங்கு தனக்காகவும், மற்றொன்று சொந்தக்காரர்களுக்கும், அடுத்தது ஏழைகளுக்காகவும் கொடுக்க வேண்டும் என்று கூறுவதற்கு ஆதாரப் பூர்வமான எந்த ஹதீஸும் இல்லை. சொந்தம், ஏழை, யாசிப்பவர்கள் இப்படி யாருக்கும் எவ்வளவு வேண்டுமானாலும் கொடுக்கலாம். நிர்ணயம் எதுவுமில்லை.

“அவற்றிலிருந்து (குர்பானி பிராணியிலிருந்து) நீங்களும் உண்ணுங்கள்! (வறுமையிலும் கையேந்தாமல், இருப்பதைக் கொண்டு) திருப்தியாய் இருப்போருக்கும், யாசிப்போருக்கும் உண்ணக் கொடுங்கள். (அல்குர்ஆன் 22 : 36)

நபி (ஸல்) அவர்களுடைய காலத்தில் ஹஜ்ஜ‏þப் பெருநாள் வரும் போது கிராமத்தில் உள்ள பலகுடும்பங்கள் (மாமிசத்தை எதிர்ப்பார்த்து எங்களிடம்) வருவார்கள். ஆகையால் நபி (ஸல்) அவர்கள் (அவர்களுக்காக மக்களிடம்) மூன்று நாட்களுக்கு சேமித்துவைத்துக் கொள்ளுங்கள். பிறகு மீதமுள்ளதை தர்மம் செய்துவிடுங்கள் என்று கூறினார்கள். இதன் பிறகு நபி (ஸல்) அவர்கள் (அன்று) வந்திருந்த பலகீனமான மக்களுக்காகத்தான் நான் தடுத்தேன். ஆகையால் நீங்கள் சாப்பிடுங்கள். (எவ்வளவு வேண்டுமானாலும்) சேமித்துக் கொள்ளுங்கள். தர்மமும் செய்யுங்கள் என்று கூறினார்கள்.

அறிவிப்பவர் : ஆயிஷா (ரலி), நூல் : முஸ்லிம் (3986)

குர்பானி மாமிசத்தை காஃபிர்களுக்கு கொடுக்க எந்தத் தடையுமில்லை. (22 : 36) வது வசனத்தில் பொதுவாக ஏழைகள் என்றும் யாசிப்பவர்கள் என்றும் தான் கூறுகிறான். ஆகையால் முஸ்லிமான ஏழைக்கும் கஃபிரான ஏழைக்கும் வழங்குவதில் எந்த குற்றமும் இல்லை. எனினும் முஸ்லிம்களுக்கு பெருநாளாக இருப்பதால் அவர்கள் அன்றும் சிரமப்படக்கூடாது என்ற நோக்கத்தில் குர்பானி வலியுறுத்தப்பட்டுள்ளது. எனவே மாமிசத்தை வழங்குவதில் முஸ்லிம்களுக்குத் தான் அதிக முன்னுரிமை அளிக்க வேண்டும். அவர்களுக்குப் போக அதிகம் இருந்தால் காஃபிர்களுக்கும் வழங்கலாம்.

தோல்

குர்பானி பிராணியின் தோல் அல்லது இறைச்சியை உரித்தவருக்குக் கூலியாகக் கொடுக்கக் கூடாது. இதை தர்மமாக ஏழைகளுக்கு வழங்க வேண்டும்.

“ஒரு ஒட்டகத்தைக் குர்பானி கொடுக்கும் பொறுப்பை என்னிடம் நபி(ஸல்) அவர்கள் ஒப்படைத்தார்கள். அதன் மாமிசத்தையும், தோலையும் அதன் மீது கிடந்த(கயிறு, சேனம் போன்ற)வைகளையும் தர்மமாக வழங்குமாறும் உரிப்பவருக்குக் கூலியாக அதில் எதனையும் வழங்கக் கூடாது என்றும் எனக்குக் கட்டளையிட்டார்கள். அதற்கான கூலியை நாங்கள் தனியாகக் கொடுப்போம்.

நூற்கள் : புகாரி (1716), முஸ்லிம் (2535)

தோல்கள் ஏழைகளுக்குச் சேரவேண்டியது என்பதால் நபி (ஸல்) அவர்கள் அதை கூலியாக கொடுப்பதை தடுத்து தர்மம் செய்யுமாறு கட்டடையிட்டுள்ளார்கள். மதரஸா மற்றும் தொண்டு நிறுவனங்களுக்கும் இயக்கங்களுக்கும் இதை வழங்காமல் இருப்பது நல்லது. இது அல்லாத மற்ற பணத்தை அவற்றிற்கு வழங்கலாம். மதரஸா மற்றும் தொண்டு நிறுவனங்கள் மொத்தமாக வாரிச் சென்று விடும் போது நம்மூரில் உள்ள ஏழைகள் பாதிக்கப்படுவதை நாம் உணர வேண்டும்.

இறந்தவர்கள் சார்பாக குர்பானி

இறந்தவர்கள் சார்பாக குர்பானி கொடுப்பதற்கு ஆதாரப்பூர்வமான ஹதீஸ்கள் இல்லை. இதற்கு ஆதாரமாக எடுத்துக்காட்டப்படும் ஹதீஸ் பலவீனமானதாகும். இதில் அபுல்ஹஸனா என்ற அறிவிப்பாளர் இடம் பெற்றுள்ளார். இவர் யாரென அறியப்படாதவர். மேலும் இதில் ஷரீக் என்பவரும் இடம் பெற்றுள்ளார். இவர் அதிகம் தவறிழைப்பவர் என்று குற்றம் சுமத்தப்பட்டவர். இத்துடன் ஆதாரப்பூர்மான பின்வரும் ஹதீஸுýடன் இக்கருத்து மோதுகிறது.

ஆதமின் மகன் இறந்த உடன் மூன்று காரியங்களைத் தவிர மற்ற  எல்லாத் தொடர்புகளும் துண்டிக்கப்பட்டுவிடுகின்றன. அவை 1. நிரந்தர தர்மம். 2 .பயன்தரும் கல்வி 3. தன் தந்தைக்காக துஆச் செய்யும் நல்ல குழந்தை என்று நபி (ஸல்) அவர்கள் கூறினார்கள்.

அறிவிப்பவர் : அபூஹுரைரா (ரலி), நூல் : முஸ்லிம் (3358)

“நபி(ஸல்) அவர்கள் காலத்தில் ஒருவர் தனக்காகவும், தன் குடும்பத்தினருக்காகவும் ஒரு ஆட்டையே குர்பானி கொடுப்பார்.

அறிவிப்பவர் : அபூ அய்யூப்(ரலி), நூற்கள் : திர்மிதீ (1425), இப்னுமாஜா (3138)

மேற்கண்ட ஹதீஸ் நபிகளார் காலத்தில் நபித்தோழர்கள் தன் குடும்பத்திற்காக மட்டுமே குர்பானி கொடுத்துள்ளார்கள். இறந்தவர்களுக்காக கொடுக்கவில்லை என்பதைத் தெளிவாகக் காட்டுகிறது. மேலும் நபி (ஸல்) அவர்களும் இறந்தவர்களுக்கும் குர்பானி கொடுக்கவேண்டும் என்று கட்டளையிடவும் இல்லை.

துண்டுப் பிரசுரம் பதிவிரக்கம் செய்ய

Download in PDFClick Here

Download in jpgPage 01
Download in jpgPage 02
Download in jpgPage 03
Download in jpgPage 04

SLTJ மருதமுனைக் கிளையினால் மத உரிமை பற்றி துண்டுப் பிரசுரம் விநியோகம்

Sltj மருதமுனைக்கிளையில் 05/08/2016 ஜும்மா தொழுகையின்பின் ராகுல வித்தியாலய மாணவனின் மத உரிமையை நிலைநாட்டிய தவ்ஹீத் ஜமாஅத் என்ற தலைப்பிலான துண்டுப்பிரசுரம் பொதுமக்களுக்கு வழங்கப்பட்டது.

20160805_131845

20160805_131854

SLTJ அக்கரைப்பற்று கிளையினால் மத உரிமை பற்றிய நோட்டிஸ் விநியோகம்

ஸ்ரீ லங்கா தவ்ஹீத் ஜமாஅத் – அக்கரைப்பற்று கிளை சார்பில் மத உரிமைகள் பற்றி வெளியிட்ட துண்டுப் பிரசுரம்

20160806_203422

ஆசிரியரின் காலில் விழுந்து கும்பிட முடியாது. – ராகுல வித்தியாலய மாணவனின் மத உரிமையை நிலை நாட்டிய தவ்ஹீத் ஜமாஅத் (SLTJ)

கிளைகளின் கவனத்திற்கு: கீழே இணைக்கப்பட்டுள்ள கட்டுரையை அனைத்துக் கிளைகளும் தங்கள் கிளையின் பெயர், முகவரி, தொடர்பு இலக்கம் ஆகியவற்றை குறிப்பிட்டு துண்டுப் பிரசுரமாக வெளியிடவும். – செயலாளர் SLTJ

——————————————————————–

ஆசிரியரின் காலில் விழுந்து கும்பிட முடியாது. – ராகுல வித்தியாலய மாணவனின் மத உரிமையை நிலை நாட்டிய தவ்ஹீத் ஜமாஅத் (SLTJ)

மாற்று மொழி, மத பாடசாலைகளில் கல்வி பயிலும் முஸ்லிம் மாணவர்களை ஆசிரியரின் காலில் விழுந்து வணங்க நிர்பந்திப்பது இலங்கை அரசியலமைப்பு மற்றும் ஐக்கிய நாடுகள் சபையின் மனித உரிமைகள் சாசனம் உள்ளிட்டவற்றுக்கு எதிரானது என இலங்கை மனித உரிமைகள் ஆணைக் குழு தீர்ப்பளித்துள்ளது.

ஸ்ரீ லங்கா தவ்ஹீத் ஜமாஅத் சார்பில் மனித உரிமைகள் ஆணைக் குழுவில் மேற்கொள்ளப்பட்ட முறைப்பாட்டு விசாரனையில் தீர்பளித்த போதே மேற்கண்ட தீர்ப்பை மனித உரிமைகள் ஆணைக் குழு வெளியிட்டுள்ளது.

கொழும்பு, வத்தளை, ராகுல சிங்கள பாடசாலையின் ஆரம்பப் பிரிவில் கல்வி பயிலும் முஸ்லிம் மாணவனை ஆசிரியருக்கு மதிப்பளிக்கும் விதமாக காலில் விழுந்து வணங்குமாறு கட்டாயப் படுத்திய பாடசாலை ஆசிரியருக்கு எதிராக பல விதங்களிலும் போராட்டங்களை தொடர்ந்தார் வத்தளை அக்பர் டவுன் பகுதியை சேர்ந்த மாணவனின் தந்தை சகோ. சஜானி என்பவர்.

தான் வசிக்கும் அக்பர் டவுன் பகுதி பள்ளிவாயல் பொறுப்பாளர்கள், மற்றும் அரசியல் பிரமுகர்கள், சமுதாயத் தலைவர்கள் என்று பல தரப்பட்டவர்களிடமும் குறித்த மார்க்க விரோத செயல்பாட்டை நிறுத்துவதற்கு ஒத்துழைப்பு வழங்குமாறு வேண்டிக் கொண்ட சகோ. சஜானி அவர்களுக்கு யாரும் உதவி வழங்காத நிலையில் ஸ்ரீ லங்கா தவ்ஹீத் ஜமாஅத் – எந்தேரமுல்ல கிளை மூலம் ஜமாஅத்தின் தலைமையகத்தின் உதவியை நாடினார் சகோ. சஜானி.

ஏகத்துவப் பிரச்சாரத்தை எவ்வித விட்டுக் கொடுப்புமின்றி நாடு முழுவதும் செய்து வரும் ஸ்ரீ லங்கா தவ்ஹீத் ஜமாஅத், சமுதாயப் பணிகளையும், உரிமைப் போராட்டங்களையும் முன்னெடுத்து வருவது யாவரும் அறிந்ததே!

அந்த வகையில் மாணவர்களை காலில் விழுந்து வணங்க கட்டாயப் படுத்தும் குறித்த பாடசாலை ஆசிரியருக்கு எதிராக நடவடிக்கை எடுக்க உதவி வேண்டிய சகோ. சஜானி அவர்களுக்கு உடனடியாக உதவியது ஸ்ரீ லங்கா தவ்ஹீத் ஜமாஅத்.

மாணவனுக்காக மனித உரிமை ஆணைக் குழு சென்ற தவ்ஹீத் ஜமாஅத்

பாடசாலை மாணவனை காலில் விழுந்து கட்டாயப் படுத்திய ஆசிரியருக்கு எதிராக நடவடிக்கை எடுக்க வலியுறுத்தி மாணவனின் தந்தை சகோ. சஜானி மூலம் ஜமாஅத்தின் சட்டத்தரணிகளை வைத்து மனித உரிமை ஆணைக் குழுவில் வழக்குப் பதிவு செய்தது தவ்ஹீத் ஜமாஅத்

குறித்த முறைப்பாட்டில் வத்தளை, ராகுல வித்தியாலய அதிபர், ஆரம்ப பிரிவின் அதிபர் மற்றும் வகுப்பாசிரியை டப்ளியூ.பி.என்.ஜி. விதான பத்திரண ஆகியோர் பெயர் குறிப்பிடப்பட்டிருந்தனர்.

குற்றத்தை ஒப்புக் கொண்டு தவறை திருத்திக் கொண்ட ஆசிரியை

இவர்கள் மீது நடத்தப்பட்ட விசாரனையில் இனிமேல் குறித்த பிள்ளையை ஆசிரியரின் காலில் விழுந்து வணங்கக் கட்டாயப்படுத்துவதில்லை, அவரது மத, கலாசார செயல்பாடுகளை தொடர தடை விதிப்பதில்லை உள்ளிட்ட உறுதிகளை ஆணைக் குழுவில் வகுப்பாசிரியர் வழங்கிய நிலையில் இந்த முறைப்பாடு மீதான விசாரணைகள் சுமுகமாக நிறைவுக்கு வந்தன.

இதே நேரம் இவ்வாறான மத உரிமைகளை மீறும் நடவடிக்கைகள் இனிமேல் எந்த பாடசாலைகளிலும் நடை பெறாத வண்ணம் அனைத்து அதிபர்கள் மற்றும் ஆசிரியர்களை தெளிவுபடுத்துமாறு இலங்கை மனித உரிமைகள் ஆணைக் குழு கல்வி அமைச்சின் செயலாளருக்கு அறிவித்தல் விடுத்துள்ளது.

மனித உரிமைகள் ஆணைக் குழுவின் தலைவர் என்.டி.உடுகம இதற்கான அறிவித்தலை இலங்கை கல்வி அமைச்சின் செயலாளருக்கு அனுப்பி வைத்துள்ளார்.

முஸ்லிம்களுக்கு அரசியல் யாப்பில் வழங்கப்பட்டுள்ள உரிமைகளை உறுதி செய்யுங்கள்

எச்.ஆர்.சி./735/16 என்னும் இலக்கத்தில் இலங்கை மனித உரிமைகள் ஆணைக் குழுவில் பதிவு செய்யப்பட்ட முறைப்பாட்டில், தனது பிள்ளையை வகுப்பாசிரியர் காலில் விழுந்து வணங்க கட்டாயப்படுத்துவதாகவும் தாம் பின் பற்றும் இஸ்லாம் மதத்தின் பிரகாரம் இறைவனைத் தவிர வேறு எவரையும் வணங்க முடியாது என்பதால் ஆசிரியையின் இந்த கட்டாயப்படுத்தல் செயல்பாடு தமது மத உரிமையை மீறுவதாக அமைந்துள்ளதாகவும் சுட்டிக்காட்டப் பட்டது.

குறித்த குற்றச்சாட்டு தொடர்பில் ஆராய்ந்த இலங்கை மனித உரிமைகள் ஆணைக் குழு, இஸ்லாம் மதத்தின் பிரகாரம் மரியாதை நிமித்தம் ஒருவர் இன்னொருவரை வணங்க முடியாது எனவும் வணக்கம் என்பது இறைவனுக்கு மட்டுமே செலுத்தப்பட வேண்டும் என்பது மதத்தின் அடிப்படை அம்சம் என்பதையும் மனித உரிமைகள் ஆணைக் குழு உறுதி செய்தது.

இலங்கையின் அரசியலமைப்பின் அடிப்படை உரிமைகள் தொடர்பிலான பிரிவின் 10வது அத்தியாயத்தில் ஒவ்வொரு மனிதனும் தான் சார்ந்த மதத்தை பின்பற்ற அல்லது நம்பிக்கை கொள்ள பூரண உரிமை உடையவன் என்பதை சுட்டிக்காட்டியுள்ள மனித உரிமைகள் ஆணைக் குழு, தனது மதம் கலாசாரம் உள்ளிட்டவற்றை பகிரங்கமாக பின்பற்ற ஒவ்வொருவருக்கும் உரிமை, சுதந்திரம் உள்ளதாக உறுதி செய்யப்பட்டுள்ளது என சுட்டிக்காட்டுகின்றது.

முறைப்பாட்டாளர் சஜானி தெரிவித்ததைப் போன்று அவரது மத உரிமை மீறப்பட்டால் அவருக்கு அந்த உரிமை வழங்கப்படல் வேண்டும் என குறிப்பிட்டுள்ள இலங்கை மனித உரிமைகள் ஆணைக் குழு பொறுப்புக் கூறத்தக்கவர்களிடமும் சம்பவம் குறித்து விசாரணை செய்துள்ளது.

விசாரனைகளின் பின்னர் இலங்கை மனித உரிமைகள் ஆணைக் குழுவுக்கு கடிதம் ஒன்றினை அனுப்பி வைத்துள்ள குறித்த வகுப்பாசிரியை, தான் குறித்த பிள்ளைக்கு ஒரு போதும் தன்னை வணங்க கட்டாயப்படுத்தவில்லை எனவும், இதன் பிறகும் எந்த கட்டாயப்படுத்தல்களையும் செய்யப் போவதில்லை எனவும் உறுதியளித்துள்ளார்.

இந் நிலையில் ஒருவரின் மத கலாசார உரிமைகளை மீறும் வண்ணம் பாடசாலையில் கௌரவப்படுத்தும் நடவடிக்கைகள் அமைய முடியாது எனவும் அவ்வாறான முறையில் கட்டளைகளை பிறப்பித்து கட்டாயப்படுத்த இலங்கையின் கல்வித் துறைக்கு சட்டத்தில் இடமில்லை எனவும் சுட்டிக்காட்டியுள்ள மனித உரிமைகள் ஆணைக் குழு இரு தரப்பின் சுமுகமான நிலைப்பாட்டையடுத்து விசாரணையை நிறைவு செய்தது.

இந்நிலையில் இவ்வாறான சம்பவங்கள் பதிவாவதை தடுக்கும் விதமாக  அனைத்து பாடசாலைகளின் அதிபர்கள் மற்றும் ஆசிரியர்களை தெளிவுபடுத்துமாறு கல்வி அமைச்சின் செயலாளருக்கு இலங்கை மனித உரிமைகள் ஆணைக் குழு பரிந்துரை செய்துள்ளது.

மத மற்றும் மனித உரிமைகள் விஷயத்தில் போராட முன்வாருங்கள்

இஸ்லாத்தை வழிகாட்டியாக பெற்றுக் கொண்டு முஸ்லிம்களாக வாழும் நாம் நமது மத உரிமைகள் மற்றும் அடிப்படை மனித உரிமைகளை பரிக்கும் விதமாக யார் செயல்பட்டாலும் அவர்களுக்கு எதிராக சட்ட நடவடிக்கைகளை மேற்கொள்வதற்கு தயக்கம் காட்டக் கூடாது.

இந்நாட்டில் நமக்கு வழங்கப்பட்டுள்ள மார்கக் மற்றும் மனித உரிமைகள் தொடர்பில் உரிமைப் பரிப்பு செயல்பாடுகள் நடைபெரும் போது, அவற்றை கண்டும் காணாது, அல்லது அச்சம் காரணமாக நாம் விட்டுக் கொடுப்புகளை செய்வதை முற்றாக தவிர்ந்து கொள்ள வேண்டும். அச்சத்தினாலோ வேறு காரணங்களினாலோ நாம் செய்யும் மத, மனித உரிமை விட்டுக் கொடுப்புகள் எதிர்கால நம் சமுதாயத்தையே பாதிப்புக்குள்ளாக்கும் என்பதுடன், இஸ்லாமிய சமுதாயத்திற்கு நாம் செய்யும் மிகப் பெரும் துரோகமாகவும் அது அமைந்து விடும் என்பதை கவனத்தில் கொள்ள வேண்டும்.

பாடசாலைகளிலோ, அலுவலகங்களிலோ அல்லது அரச மற்றும் தனியார் மட்டங்களிலோ உரிமையை பரிக்கும் விதமாக யார் செயல்பட்டாலும் அவர்களுக்கு எதிராக சட்ட ரீதியிலான நடவடிக்கைகளை மேற்கொண்டு, உரிமையை வென்றெடுப்பதற்கு ஸ்ரீ லங்கா தவ்ஹீத் ஜமாஅத் எப்போதும் தயாராகவே இருக்கிறது. ஆகவே, உரிமைப் பரிப்பு போன்ற செயல்பாடுகள் நடைபெறுமாயின் அதனை சட்ட ரீதியாக அணுகி உரிமையை நிலை நாட்டுவதற்கு விரும்பும் யாராக இருந்தாலும் இந்த ஜமாஅத்தை அணுக முடியும் என்பதையும் தெரிவித்துக் கொள்கிறோம்.

ஸ்ரீ லங்கா தவ்ஹீத் ஜமாஅத் – SLTJ 

———————————————————————————–

மனித உரிமைகள் ஆணைக்குழு வழங்கிய தீர்ப்பு மற்றும் கல்வி அமைச்சின் செயலாளருக்கு அனுப்பிய கடிதம் ஆகியவை கீழே இணைக்கப்பட்டுள்ளன.

doc 1

doc 1.

doc 2

doc 2.

SLTJ மல்வானை கிளையின் துண்டுப் பிரசுர விநியோகம்

கடந்த 29/07/2016 ஜும்ஆ தொழுகையின் பின்பு உளஹிட்டிவலை தப்லீக் பள்ளிவாயல் அருகாமையில் “நாங்கள் சொல்வது என்ன ” என்ற தலைப்பில் துண்டுப் பிரசுரம் விநியோகம் செய்யப்பட்டது.

IMG-20160729-WA0029

IMG-20160729-WA0030

ரமழான் மாதத்தில் கிளைகள் விநியோகிக்க வேண்டிய துண்டுப் பிரசுரங்கள்

ரமழான் மாதம் முழுவதும் வெளியிட வேண்டிய துண்டுப் பிரசுரங்கள் இணைக்கப் பட்டுள்ளன. ஜமாஅத்தின் பெயர், முகவரி மற்றும் தொடர்பு இலக்கங்களை இணைத்து துண்டுப் பிரசுரங்களை வெளியிடவும்.

துண்டுப் பிரசுரத்தை டவுன்லோட் செய்ய இங்கு க்லிக் செய்யுங்கள்.

SLTJ ஏராவூர் கிளையினால் துண்டுப் பிரசுரம் வினியோகம்.

ஸ்ரீ லங்கா தவ்ஹீத் ஜமாஅத் – ஏராவூர் கிளை சார்பில் கடந்த 06.01.2016 அன்று நடைபெற்ற தெருமுனைப் பிரச்சாரத்திற்கு எதிராக பொய்யான தகவல்களை கூறி மக்கள் உரையாற்றிய சுன்னத் ஜமாஅத் போர்வையில் உலாவரும் ஆலிமுக்கு எதிராக கடந்த 14.01.2016 அன்று விவாத அழைப்பு அடங்கிய துண்டுப் பிரசுரம் ஜும்மாவுக்கு பின் விநியோகம் செய்யப்பட்டது.

New Doc 4_1

New Doc 4_2

20160115_134037

20160115_134027

நரகத்திற்கு அழைக்கும் மவ்லிது பாடல்கள் தொடர்பில் எச்சரிக்கை துண்டுப் பிரசுரம் விநியோகம் – SLTJ கல்குடா கிளை

ஸ்ரீ லங்கா தவ்ஹீத் ஜமாஅத் – கல்குடா கிளை சார்பாக மக்களை நரகத்திற்கு அழைத்துச் செல்லும் மவ்லிதுகளுக்கு எதிரான துண்டுப் பிரசுரம் கடந்த 22.12.2015 அன்று கல்குடா பகுதி முழுவதும் விநியோகம் செய்யப்பட்டது – அல்ஹம்து லில்லாஹ்.

IMAG0081

IMAG0082

IMAG0083

IMAG0086

IMAG0088

IMAG0090

IMAG0091

IMAG0092

IMAG0095

IMAG0097

IMAG0105